اللطيفي للأساتذة :” ماهوش معقول ,اضرابكم غير قانوني… و هذا اهانة للمربي”

علق امس الاحد 22 افريل 2018 الباحث عادل اللطيفي على ازمة التعليم الثانوي.

في هذا السياق نشر اللطيفي تدوينة على صفحته الرسمية الفيسبوك جاءت كالتالي :

“حول مبادرة نقابة التعليم الثانوي: نعطي موقفي واللي يحب يسب على راحتو. توة هل يعقل تقدم مبادرة فيها أربعة نقاط، النقطة الأولى تقول نرجعوا نتفاوضوا من غير شروط والثلاثة نقاط اللي بعدهم شروط: التفاوض ما يفوتش الخميس ولازم الاتفاق يرضي مطالبنا المادية والمعنوية ولازم ما تقصوش فلوس الاضراب من الشهريات.

ثانيا هاذي مبادرة لتعقيد الوضع لأنو كان انطلاق التفاوض مرهون بارجاع الاعداد حسب الوزارة، توة النقابة تربطو برفع تعليق دروس هو من أصلو غير قانوني. يعني بلغة أخرى النقابة تخلي حجب الاعداد مرهون باتفاقيات مرضية وموش بالتفاض فقط. أخيرا ماهوش معقول تعمل اضراب، وزيد غير قانوني،

وتطلب عدم الخصم من الشهرية لأنو هذاك داخل في التضحية بالغالي والنفيس من أجل أم المعارك ثم من باب المساواة ما عادش يتم اي اقتطاع من الشهرية بسبب الاضراب في كل القطاعات بما فيها الخاص…أما راهو ماهوش مستبعد وزير ضعيف وحكومة ضعيفة وفاشلة تقبللكم….بربي كلام هكة فيه اهانة للمربي؟ فيه مس من الاتحاد؟ فيه جوقة للسلطة؟ يا اولادي راهو عندنا رأي في الشأن العام…المفيد الحجة…..”