هذا ما كتبه العضو السابق للهيئة العليا للانتخابات سامي بن سلامة تعليقا على تأجيل جلسة انتخاب أعضاء الهيئة المستقلة للانتخابات.
الفخ الي ناصبتو حركة النهضة يتمثل في تسبيق انتخاب الرئيس على تبديل الأعضاء..
تحب تحط رئيس جديد ومن بعد تعطل تجديد الأعضاء لأجل غير مسمى لين تكمل انتخابات 2019.. لأنو انتخاب أعضاء جدد يتطلب 145 صوت وما ينجمش يتم من غير موافقتها…
وهي عندها عضو ما يلزموش يخرج مهما كلفها الأمر وماهيش باش تقبل تخرجوا مهما كان…
بينما انتخاب الرئيس يتم ب109 صوت وينجم يتم من غيرها… ولكن انتخابو يغطي على أصل المشكل سياسيا وإعلاميا ويرفع عنها الحرج ويحافظلها على مصدر قوتها في الهيئة ما يمسوا حد… حركة النهضة تسببت في دمار شامل لهيئة الانتخابات للدولة التونسية وتسببت في تضييع فرصة ثمينة على الشعب التونسي بتحطيمها مسار الانتقال الديمقراطي…
نقول كلامي هذا دراية وإطلاع..ولي باش يسكتني ويحطني في منصب “مهم” ي….. بيه
شارك رأيك