( رسالة الى “ناجح الحاج لطيّف” الذي انكر قياديو النهضة /وفي مقدمتهم سامي الطريقي/اي صلة له اطلاقا بالحركة..؟؟!!)
“ياناجح جيت نهنّيك”..
“خْوانك” جملة صكّوا فيك..؟!!
قالوا ماهوشي من “النهضة”..
ويمكن عايش في “المكسيك”..؟؟!!
وآخر ما سمعنا ” تشنيفة “..
اسمك ولى”الحاج خليفة”؟!!
شبَع “الضّبْع” ..ترك”الجيفة”..
وباعك اللي كان شاريك..؟!!
باعك وصكر الباب..
راعي الفتنة والارهاب..
وحتى من “سامي الكذاب”..
عيني عينك.. ناكر فيك..؟؟!!
..والنهضة “كلبة حلوفة”..
وسيرتها صارت معروفة..
بكري عملتها مع”صطوفة”*..
واليومة هاي كِمْلت بيك..
اللي يتحرَقْ.. “تعطيه الحِس”
“قطّوس” ..وقالولو “كِس”..!!
وسيدي الشيخ “ممنوع المس”..
والباقي الكلة..”مَمَاليك”..!!!
“يا “ناجح”……. جيت نعزّيك”..؟؟!!
- المقصود ب”صطوفة” :مصطفى خضر”-
(قفصة2022/02/11)
شارك رأيك