النص مكتوب بالدارجة التونسية و يعود إلى إدارة مهرجان دقة الدولي:
“في افتتاح مهرجان دڨة الدولي، يقدملنا وليد عيادي مسرحية «القلب مسكون» .
وليد عيادي مخرج معروف برؤيتو الفريدة وإبداعو خلاّو شخصيتو بارزة في المسرح التونسي المعاصر.
ياخذنا العرض لعالم مابين الخيال والواقع وين تتدخل الملايكة بطريقة هزلية ساخرة في أطوار الحياة اليومية لعايلتين بينتهم تنافس وخلافات، الشي إلي بش يضفي صبغة طريفة للمحنة متاعهم. تعالج المسرحية إلي تعتبر كاريكاتور للواقع زادة قضايا إجتماعية كيما الفقر والطموح.
فريق العمل يتكون من بولبابة هديلي، وسيرين بن يحيى، وفاطمة صفر، وأمينة بديري، وإسكندر إبراهيم، والطاهر منديلي، وسهير المزيو، ولمين حمزاوي، وسليمة العياري، وهالة بن صالح، وخولة دالي، وسفيان بوعجيلة،بش يعطيو للمسرحية نمط وطاقة مزيانة. أداؤهم بش يسلط الضوء على مرونة الإنسان في مواجهة تحديات الحياة.
ما تفوتوش مسرحية «القلب مسكون» في افتتاح مهرجان دڨة الدولي في 29 جوان 2024.
نستناوكم في سهرة 29 جوان في مهرجان دڤة الدولي”.
- التاريخ: 29 جوان 2024
*المكان: المسرح الأثري بدڨة - التذاكر : https://teskerti.tn/evenement/le-coeur-hante
- المصدر: مهرجان دقة الدولي