على حسابه الخاص بالفايسبوك، ينشر اليوم الجمعة 6 سبتمبر 2024 الأستاذ الجامعي أرام بلحاج المختص في الاقتصاد تفسيرا منطقيا لكل ما له علاقة باحتياطي العملة الصعبة و مؤشراته المهمة في حياة الأفراد و الدول. و ان اختار أستاذ الاقتصاد اللغة العامية التونسية فلأنه أراد من وراء ذلك مس أغلبية من المواطنين:
“علاش الاحتياطي من العملة الصعبة مؤشر مهم جدا؟
*لأنو يمكّن من توفير كل الاحتياجات الي نستحقوها من الخارج؛
*لانو يمكّن من تسديد الديون الخارجية بأريحية؛
*لانو يقوّي من العملة الوطنية او على الأقل يحافظ على سعر الصرف.
باهي:
*هل وفّرنا كل حاجياتنا الضرورية لكل الفاعلين، سواءا للاستهلاك أو للاستثمار؟ لا (برشا مواد غذائية أساسية ومواد أولية وأدوية وقطع غيار ووو غير متوفرة)؛
*هل تمكّنا من تسديد ديوننا الخارجية؟ نعم ، اما بصعوبة (ماننساوش مشينا للبنك المركزي في أول العام وخذينا 7000 مليار حبْ باش نكملوا العام مرتاحين).
*هل قوَاتْ العملة الوطنية أو على الأقل استحفظنا على سعر صرف الدينار؟ لا (الدينار ليوم يسوى 3.4 مقابل اليورو و3.1 مقابل الدولار).
معنتها نحزنوا وقت الاحتياطي يزيد في تونس؟
لا، بالعكس، نفرحوا.
اما راهو الفرحة ما تتم الا اذا كان الارتفاع هذا مهم (موش من 115 يوم توريد ل117!!!)، وخاصة، ناتج على قوة صادراتنا واستثماراتنا ومؤسساتنا وسياحتنا وصناعتنا وانخراط عمّالنا بالخارج بشكل متواصل!”.