مسرحية 𝙑𝙄𝙎𝘼 لكريم الغربي بالمسرح الأثري بقرطاج يوم 01 سبتمبر 2025 على الساعة 22h00.
*تباع التذاكر :
عبر الموقع الإلكتروني Teskerti
https://teskerti.tn/evenement/visa-carthage……….
و كان أن سبق عرض “Visa ” للكوميدي “كريم الغربي” يوم 17 أوت 2023 ضمن فعاليات مهرجان قرطاج الدولي الدورة 57.
وقيمت انذاك صبرين مينوني في راديو وأب فوشانة عمل كريم الغربي في عرضه الحدث “visa” بما يلي :
“بعد نجاح العرض في قرطاج انتقل النجاح كذلك إلى مهرجان فوشانة الصيفي و أعتبره عرض ممتاز من حيث محتوى المسرحية و ما تخفيه تحت السطور و بطبيعة تميّز حضور كريم و روحو الخفيفة . العرض صحيح في الظاهر برشا ضحك و تنبير و لكن بطريقة غير مباشرة كريم يشّخص في برشا ظواهر اجتماعية و البيروقراطية لي مازلت تغم الإدارة التونسية و فشلها لي يتحمل فيه المواطن التونسي ( وقت حكى على الديوانة لي ما حبتش تخرجلو دواء المرا الكبيرة صاحبة البلجيكية آن و طلبو منو يجيب كدس وثائق قريب حتى شهادة الوفاة للي فات الوقت و ماتت المرا من غير ما تاخذ دواها) و هذا صاير و موجود ..
مازلنا في 2023 نحكيو على النسخة المطابقة للأصل و تعريف بالإمضاء و مضمون..و هذا قمة في التخلف و كذبة كبيرة كي يقولولنا رانا نخدمو على رقمنة الإدارة تي هي مخاخهم ناقصة رقمنة.
كريم حكى على ظاهرة الحرقة و مسألة العلاقات الزوجية..كيف كيف ظاهرة التقليد الأعمى للغرب و مقارنة تعاسة الوضع بتونس لي صنعوه مسؤوليها في المقابل التقدم و التطور لي تعيشو دول الشمال
أما في اللخر الكبدة مشومة تونس تبقى هي أحلى بلاد
لا عندهم جبالنا و لا بحرنا و لا صحرتنا و لا تاريخنا”.
“كريم نجح فعلا في طرحو لعدة مسائل و ظواهر ما لازمش نتعداو عليها مرور الكرام و ننساوها ..كريم حب يذكرنا لي أحنا شعب يحمل ذاكرة قصيرة و ينسى .. و لكن “فيزا” اليوم أعادت لنا الذاكرة.
شكرا Karim Gharbii على طرحك الممتاز بأسلوبك لي تعودنا عليه .. محتوى و أسلوب طرح لي يقوم عليه العرض رائع…
و مش غريب على ولد المسرح تقديم عمل هكة ..
خليك في المسرح خاطرو بالحق هو لي يواتيك الشيء لاخر مش في قيمتك والله…
و الأهم من هذا الكل أخلاقك العالية و تواضعك خلات الناس تحبك و انتي تستحق المحبة هاذي…”.
شارك رأيك