كتب فارس ابن سعدية مصباح أول أمس ما يلي حول أول محاكمة لوالدته داعيا كل من عرفها لمساندتها ودعمها سواء بدعواته او بكلمة حق أو بالوقوف صباح الاثنين امام المحكمة الابتدائية بباب بنات بتونس العاصمة:
“اليوم زرت أمي…..آخر زيارة قبل الجلسة
مشيت وقلبي سابقني …يدي على قلبي خايف عليها
لقيتها واقفة و شادة صحيح ثابتة و واثقة من براءتها.
قعدت اطمن فيا وهي اللي مسجونة و قالتلي متخافش
“أنا معملت شي و ربي يعرف”
أمي مسجونة من 18 شهر
18 شهر غياب
18 شهر وجيعة و كلام ما تقالش
نهار الاثنين 22 ديسمبر،
أمي تمثل قدّام الدائرة الجنائية.
نهار صعيب، علينا و عليها
ونهار نحبّو ما يكونش ساكت….
نكتب اليوم باش نطلب وقفة رجال ونساء،
وقفة مع إنسانة تعرفوها…مع أم عمرها ما آذات حد….
كل واحد عرف سعدية مصباح يعرف قداش قلبها كبير
وقدّاش عمرها ما خانت ضميرها
وأنا ولدها، نعرفها أكثر من أي حد ونعرف اللي أمي بريئة
نهار 22، وجودكم يفرق.
كلمة، دعوة، حضور، حتى دعاء… الكلّو قوة.
أمي موش ملف
موش رقم
أمي إنسانة
وأنا ما نحبّش أكثر من حقي الطبيعي “نشوف أمي حرّة”.
السكات يوجع
أما الوقفة مع الحق تداوي….”
شارك رأيك