و نشر يوسف الشواشي مساء اليوم التدوينة التالية:

“اليوم 5 فيفري، نهار عيد ميلاد بابا.
بابا الي ما انجّمش نهنّيه بعيد ميلاده كان نهار الجمعة، نهار الزيارة.
نحب نقلّو اليوم: كل عام و انتي حي بخير بابا و ربي يخلّيك لينا و رانا توحشناك و نستنّاو بالدقيقة و الدرج وقتاه تروحلنا
في نهار اليوم، حبّيت نبارتاجي الفيديو هذي الي ترجع ل5 فيفري 2023، عيد ميلاد عمناول.
نهارتها، عمرنا ما كنا نتصوروا الي بعد 20 يوم سيتم اعتقالو على ملف أفرغ مالفارغ.
في الفيديو، بنتي كان عمرها 7 شهر فقط.
اليوم عمرها عام و 7 شهر و إلى يومنا هذا محرومة من أنها تقابل عزيزها و هو محروم من انو يضمها و يبوسها و يلعب معاها.
عام تعدّى علينا تقول عليه 10 سنين؛ عام الكلو تعب بالمشي و الجَيْ و شدّان الصف في الحبس و تحضير و هزّان القفّة، عام كامل و أنا حاسس بالقهرة و خاصّة بالضّعف و العجز كي نشوف خويا الي ما ينجمش حتّى يروّح لبلادو يطل على بوه خاطر صبّوا بيه شكاية مالحيط و الا نشوف دموع أمّي و الا أختي و ما انّجّم نعمل شي..
اما رغم هذا الكل، ديما مؤمنين الي بش تفرج انشالله و مقتنعين الي الظلم عمرو ما يربح و الي كل ظالم ديما نهايته تكون خايبة.
نعاود نقول لبابا عيد ميلاد سعيد و كيما قتلك آخر مرّة، الي فاتنا الكل تو نعوضوه، مزالت قدامنا الايامات و الاعوام انشالله؛ الفايدة حافظلنا على صحتك و نفسيتك.
نحبّك.
…………..

و للتذكير، قامت الوحدات الأمنية في ساعة متأخرة من مساء الجمعة 24 فيفري 2023 بإيقاف كل من غازي الشواشي الأمين العام السابق لحزب التيار الديمقراطي والمحامي رضا بلحاج .

وتم إيقاف الشواشي بعد تفتيش منزله من قبل حوالي20 من رجال الشرطة وفق تدوينة نشرها ابنه على صفحته بالفايسبوك.

يذكر أن بالحاج و الشواشي قد تمت إحالتهما يوم الخميس 23 فيفري على التحقيق من أجل تهم عديدة من بينها التآمر على أمن الدولة ومسائل تتعلق بقانون الإرهاب ونسبة أمر موحش لرئيس الجمهورية.

ظهرت المقالة يوسف الشواشي يهنىء على طريقته والده غازي السياسي السجين (فيديو) أولاً على أنباء تونس.

رحب غازي الشواشي الأمين العام للتيار الديمقراطي بقرار المجلس الأعلى للقضاء العدلي القاضي بانهاء الحاق القضاة بالمؤسسات التنفيذية في الدولة.

و قال في الموضوع ما يلي في تدوينة نشرها مساء اليوم الاربعاء 9 جوان 2021 على صفحته الرسمية بالفايسبوك:

“خطوة شجاعة نحو الطريق الصحيح يخطوها مجلس القضاء العدلي الذي قرر انهاء إلحاق قضاة من الصنف العدلي يشغلون مناصب برئاسة الجمهورية ورئاسة الحكومة والوزارات والهيئات التي لا يفرض القانون وجوبية وجود قاض عدلي ضمن تركيبتها.

خطوة هامة نحو ” النأي بالسلطة القضائية عن جميع التجاذبات السياسية”.

في انتظار قرارات مماثلة عن مجلس القضاء الاداري و مجلس القضاء المالي”.

ظهرت المقالة غازي الشواشي: “النأي بالسلطة القضائية عن جميع التجاذبات السياسية، خطوة هامة” على أن تشمل الجميع أولاً على أنباء تونس.