و يضيف الوافي: “فجأة 6 أشهر سجنا غيابيا في قضية مريم بن مامي المتعلقة بتسريب هاتفي مسجل قديم دون أن يبلغني استدعاء أو أكون على علم بالجلسة… بعد أن تم الحكم في الابتدائي بعدم سماع الدعوى لي و لعلاء الشابي… سنعترض على الحكم و نمثل امام المحكمة. لا داع للتهويل”، وفق قوله.

ظهرت المقالة سمير الوافي يعلق على الحكم الصادر في حقه ب6 أشهر سجنا في قضية رفعتها مريم بن مامي ضده أولاً على أنباء تونس.

بهذه الكلمات المؤثرة، أعلن الاعلامي حسان بلواعر اليوم الثلاثاء 15 مارس 2022 عن نهاية الرحلة لوالدته صليحة أو صلوحة كما يحلو له مناداتها، وذلك بعد صراع طويل مع مرض السرطان:

” الله اكبر الله اكبر الله اكبر
إنأ لله و إنا إليه راجعون
عظيمة عاشت ..عظيمة قاومت ..عظيمة رحلت ..
صليحة مشات ..هزت الروح معاها و مشات
صليحة رحلت إلى عالم أجمل …إلى مكان أفضل
هنيئا لهم بك .. صحة ليكم ..
هي هي و فكيتوهالي ..
في أمان الله يا روحي
سامحني ..ما كنتش قد المهمة ..
سامحني .. ما ربحتش العركة ..
سامحني .. كان تعبتك و الا وجعتك ..
سامحني كان قصرت معاك ..
انا ما عندي علاش بش نسامحك ..
عمرك ما عملت معايا الدوني …
إلى لقاء قريب جدا .. ما نخليكش وحدك يا الروح ..
انا كملت اللي علي ..و انتهيت بعدك
في وديعة ربي ..
مش بش نبطى عليك . تهنى
ما نخليكش وحدك
بالسلامة ..شاكيرا .
سلام يا صاحبتي .. سلام يا عشيرتي ..
سلام يا صاحبي”.

و تتقدم أسرة كابيتاليش بأحر التعازي لجميع أفراد العائلة.

ظهرت المقالة الاعلامي حسان بلواعر ينعى والدته صليحة أولاً على أنباء تونس.

في الحوار الذي أدلى به يوم أمس السبت 11 سبتمبر 2021 لبرنامج Samedi Light على موزاييك أف أم التي أعادت بثه اليوم، قال المخرج السينمائي عبد الحميد بوشناق ان طريقة تعامله مع وسائل الإعلام من هنا و قادما ستتغير و سيطالب بمستحقاته ان تم استدعاؤه و ذلك في صورة ان كان له الجديد …
محتوى الحوار كانت فيه جرأة لم نعهدها بتونس، هي ثورة ثقافية و ككل ثورة، الآراء متباينة. اخترنا تعليقات لبعض الفنانين و الاعلاميين:

**** جهاد الشارني:

“لأول مرة في تونس يتكلم فنان مبدع و يطالب
شكرا عبد الحميد و مالك خاطر مثلث النار (الفنان ، الاعلام ، المستشهر) لازم يتحكى فيه و يتعاود و يتبدلو حاجات خاصة أصحاب القرار او على الاقل اذواق أصحاب القرار
………………………………

*** مكي هلال في رأي برأي مع المخرج Abdelhamid Bouchnak وبكل احترام وصفر قباحة.

ما قاله المبدع عبد الحميد بوشناق صحيح جدا وشجاع وموضوعي لكن بربي هات ننظروا للمسألة من جميع زواياها من أجل تكريس مبدأ الاختصاص شوية والتنسيب الضروري… الممثلين والمخرجين يبعدوا شوية رجاءً من التحكك على الصحافة والتنشيط والتقديم الإذاعي والتلفزي…
ناس قارية صحافة ومختصة قطعت أرزاقها وفرصها خاصة في الإذاعات بسبب موجة نزوح الممثلين للإعلام بل الهجوم عليه ، ومستعدين حتى يخدموا بلاش موش كان يطيحوا السوم، اعطيه فقط يمد وجهو والإسم يبقى يدور والمربوح مبعد مادي ومعنوي في عروض مسرحية أو أدوار درامية ، سود وجهك ولي فحام، عفوا إعلامي أو كرونيكور بلا تكوين أو دراية أو خلفية (اللهم الخلفيات التي تعرفونها) أو حتى ثقافة عامة يا رسول الله !
نعم الممثل والفنان من حقو يخلص كي يجي ضيف ويحظى بكل الاحترام الواجب آما زاده الممثل ممثل والإعلامي اعلامي والمخرج مخرج والصحفي صحفي والمذيع مذيع واللحاس لحاس، يهديكم…
أقول قولي هذا وعلاقتي جيدة بكل الممثلين والمخرجين فقط من باب الإنصاف ورفض المنافسة غير النزيهة ولدعم الاختصاص ورفض تداخل الأدوار، يا تمثل يا تقدم يا توخر في الزوز ولا تنجح لا في هذا لا في هذا…
تحب تولي إعلامي مرحبا بيك فقط اتعب شوية على روحك وأقرأ أبجديات الصحافة وأسس صاحبة الجلالة(في الجامعات أو اعمل تجربة محترمة في مؤسسات محترمة) موش في دكاكين بودورو تبيع وهم الشهرة وتتحيل على الطامحين والحالمين بالشهرة فقط لا بالصحافة ومجدها ومتاعبها ومسؤليتها الاجتماعية والسياسية في بلد يتعثر في انتقاله الديمقراطي الصعب !
مخ الهدرة :
إذا الفنانين كضيوف ما يخلصوش، الصحافيين يخدموا صباح وليل موش يجيو ضيوف، ويتم التحيل عليهم وما يخلصوش قال شنوه غيرك فنان يخدملي بلاش ويبدا فرحان !
أقول هذا لا من باب التجني أو التحدى أو التعصب لأهل مهنتي من المختصين بل عن دراية تامة ومتابعة دقيقة ونقاشات حدثت أمامي بين مسؤولين وصحفيين وفنانين دخيلين على الاعلام، خلال قوس تجربة مريرة بالإعلام التونسي أغلقته مكرها بسبب اختلاط الحابل بالنابل وتطييح القدر …
الخلاصة :
مع احترامي لكل الفنانين (الفتانين لا طبعا)، والله لو قاعدين يقدموا في قيمة مضافة للمشهد الإعلامي ويزيدوا لمسة أخرى وذائقة أخرى كيما يصير في أوربا وأمريكا ما عندي حتى مشكل، لكنهم فقط يركبون موجة البوز ويرذلون المشهد الإعلامي والإعلاميين الجديين والصحفيين الحقيقين حتى صرنا ننعت كلنا بوه على خوه بإعلام العار، وهو وصف غير ظالم أحيانا…”.
……..

*** فضيلة بن حميدة

انا البارح في الليل سمعت l interview متاع عبد الحميد بوشناق اللي هو مليار في المايه صحيح و السينما و المسرح ،الموسيقى،الشعر ،الرقص الكل اتعاني و صحيح كيما قال ثمة تقنين و موسيقيين و مسرحيين و ممثلين انتحرو علاش خاطر يخدم في العام شهر شهرين باش ايعيش تسعة شهور يا دين محمد لليوم برشا منا موش لاقي باش يشري باكو حليب وخبزه ما نوصلوش نحكيو على انو ايخلص كراء الدار اللي ساكنها ايه هاذي حقيقة موش كذب و الناس هاذم هوما اللي تلقاهم في الخارج رافعين اسم البلاد بأفلامهم و مسرحياتهم و شِعرْهم و كيفاش اتحبوه بزوز صوردي في هالبلاد ايعيش و يعمل الفن اللي تبْلى بيه باش يخرج سي بوبكر بن عكاشه وغيرو من صحافة البلاتوات المايعة إيسبوه شكون السبب في وضعية الثقافة والفنان بصفة عامة، هاو لليوم كل شي دزني واندزك قهاوي، مارشيات،قاعات أفراح، بيران، مساحات تجارية كبرى كان الثقافة امسكرين عليها، بالطبيعة هذا كلو داخل في ساسة وسياسة البلاد باش سي المستشهر ايولي هو اللي يتحكم في ذوقك الفني و يفرض عليك كيفاش تخدم و اشكون اتجيب و ايزيد هو اللي يكتب السيناريو اللي يتناسب مع سلعتو خاطر هو صاحب راس المال و يحطلك سلعة كريم الغربي، نظال السعدي، نوفل ورتاني، علاء الشابي، فيصل لحضيري، العربي المازني،أساور، نرمين صفر، هذوما اللي باش ايدمر بيهم جيل كامل و ايقلك هذوما المثقفين و السينمائيين و المسرحيين و الفنانيين متاع تونس و هكاكا تولي قمح و قشور فول فرْد شكاره و ايقولك يا ولدي ما ثماش ثقافة في البلاد اشبيكم ماكمشي كيما هوليود و مصر تخدمو كان في حاجات من رمضان لرمضان و كلها اتحشم، ايه يا سي بوبكر بن عكاشة انا حسب ما نسمعك في برنامجك ميدي شو ماكش من الاعلامين متاع تدبير الراس وعندك وعي و صاحب مبدأ و مثقف موش متاع بكْلي وهذا رأي فيك حسب سماعي ليك في برنامج (ديما مع احترامنا للبعض منهم) فثمة إعلاميين ساهمو بدرجة كبيرة في تخريب جيل كامل بالرداءة و الميوعة اللي تجيبو فيها خاطركم قابضين فلوسها بالمسبق
انحب انقول اللي الاخراج و التمثيل موهبة و فكرة وثقافة و معرفة و برشا فرجة على السينما والمسرح و الرسم و الخ
و انا مع أحمد الأندلسي في انو الفنان يلزم كيف يمشي لبلاتو يخلص و يخلص و هذاكا حقو موش امزيه و معادش تمشيو بلاش فلوس خاطر حقكم”.

فيديو

https://www.facebook.com/watch/?v=401016334960468

ظهرت المقالة حول علاقة الفنان بالاعلامي و المستشهر، عبد الحميد بوشناق يثور، يكسر المحرمات… و يثيرالجدل (فيديو) أولاً على أنباء تونس.

نفت الإعلامية أميرة الوافي صباح اليوم الخميس 19 أوت 2021 ما شاع مساء أمس حول إيقاف شقيقها بنزل الشيراتون، مؤكدة وفق إذاعة الديوان أف أم، ان الأمر، يتعلق بصك بدون رصيد وقعت تسويته.

و ان المحامي قدم ما يثبت خلاص الصك و انتهى الأمر، راجية الكف عن بث الاشاعات.
و يذكر ان خبر إيقاف سمير الوافي بنزل الشيراتون. قد تداوله رواد صفحات التواصل الإجتماعي بالفايسبوك مساء أمس الاربعاء. و تعود آخر تدوينة لسمير الوافي الناشط بكثرة على الفايسبوك، منذ يوم.

ظهرت المقالة إيقاف الاعلامي سمير الوافي، شقيقته أميرة توضح أولاً على أنباء تونس.

اقتحمت قوات الأمن مقر وكالة تونس افريقيا للأنباء صباح اليوم الثلاثاء 13 أفريل 2021 وقامت بالاعتداء بالعنف على الصحفيين والعاملين المعتصمين في بهو الوكالة بهدف فرض فرض تنصيب رئيس مدير عام جديد للمؤسسة بالقوة العامة، في سابقة خطيرة لم تعرفها مؤسسات الإعلام العمومي في أحلك فتراتها.

ورغم تحذير الصحفيين والتقنيين وهياكلهم النقابية في وكالة تونس افريقيا للانباء من خطورة التعيينات السياسية على رأس المؤسسات الإعلامية العمومية إلا أن الحكومة اختارت سياسة المرور بقوة والمواجهة بدل سياسة الحوار واعتماد معايير شفافة وواضحة في التعيينات.
ويهم النقابة الوطنية للصحفيين أن تعب عما يلي:

• الإدانة الشديدة لعملية اقتحام وكالة تونس افريقيا للأنباء من قبل قوات البوليس وتعتبر أن اقحام البوليس في الشأن الإعلامي هو تجاوز خطير ومرفوض على الإطلاق.
• تحذر النقابة من أن سياسة المواجهة المفتوحة مع الاعلام ستزيد من الاحتقان والتوتر الاجتماعي وانعدام الثقة، وتحمل الحكومة مسؤولية ما آلت إليه الأمور في وات وفي شمس اف ام نتيجة للتعيينات السياسية.
• تطالب الحكومة بمراجعة التعيينات السياسية والحزبية على رأس وسائل الاعلام وفتح حوار جدي وعميق حول إصلاح هذه المؤسسات بدل السعي نحو تدجينها لخدمة اجندات سياسية وحزبية ضيقة.
• تعبر عن استعدادها لخوض كافة الأشكال النضالية للدفاع عن استقلالية مؤسسات الاعلام العمومي والمصادر، وتدعو إلى الاعداد جيدا للإضراب في الوكالة المقرر في تاريخ 22 افريل 2020 وانجاحه.
  كما تدعو النقابة الوطنية للصحفيين كل الصحفيات والصحفيين إلى الالتحاق بمقر وكالة تونس افريقيا للأنباء لمساندة زميلاتهم وزملائهم.

عن المكتب التنفيذي للنقابة الوطنية للصحفيين التونسيين

ظهرت المقالة النقابة الوطنية للصحفيين تعتبر اقتحام قوات الأمن لوكالة تونس افريقيا للأنباء سابقة خطيرة في الشأن الاعلامي (بلاغ) أولاً على أنباء تونس.

بعد نجاح مبادرته السنة الفارطة في موسم جني الزيتون، أطلق الاعلامي وديع بالرحومة مبادرة جديدة لانقاذ صابة التمور.

و تعتبر صابة التمور قياسية هذه السنة و الانطلاقة كانت من ولاية توزر و لاقت هذه المبادرة تفاعلا كبيرا عبر مختلف وسائل الاعلام و من المواطنين .

ظهرت المقالة الاعلامي وديع بالرحومة يطلق مبادرة لانقاذ صابة التمور من ولاية توزر أولاً على أنباء تونس.

لم يتصور أحد قبل هذا اليوم الجمعة 15 ماي 2020 ان يسب ضيف حصة على المباشر اعلاميا في غيابه قام فقط بعمله و هو التعليق على ما يحدث في البلاد. و عملها سيف الدين مخلوف رئيس كتلة ائتلاف الكرامة حليف النهضة.

يقول سيف الدين مخلوف انه “أهين في هذا المكان بكلمة “ايجا يا عصفور”، انا لا تعنيني الهايكا، الذي يعنيني هو هيثم المكي، احنا متاع المهام القذرة؟ و المبادرات التي قدمتها ، قدمتها النهضة من قبل و لست مسؤولا عن غباء هيثم المكي. المهمة القذرة! خاطر اتقلقوا منها متاع الهايكا ياخي سيبو علينا الكلاب… “، وفق قوله. و يواصل مخلوف وهو في حالة تشنج قصوى رغم تدخل الياس الغربي في محاولة أنيقة لصده عن مواصلة سب زميله في غيابه داعيا اياه بالكف و اذا ما احس بالظلم، ليتوجه الى القضاء: ” هاك مارست دور الكلب. انت مأجور. احنا انظف منك…”، أضاف مخلوف على غرار زميله الذي قال بالأمس “الي باش يتكلم امعانا يلزم ايكون على وضوء”.

و كان هيثم المكي كرونيكور في حصة ميدي شو قد نقد المبادرة التي تقدم بها ائتلاف الكرامة يوم 4 ماي الجاري لتنقيح المرسوم 116 لسنة 2011 المنظم لحرية الاتصال السمعي البصري و التي تتعارض مع نص الدستور و من الممكن أن تنسف بمستقبل التجربة الديمقراطية في تونس. و هذه البادرة قبل ان يقدمها ائتلاف الكرامة كانت دائما محور نقاش و لم تقبل حركة النهضة يوما هذا المرسوم بل هي تتمرد عليه و يتجلى ذلك من خلال اشراف قيادييها على وسائل اعلام غير قانونية على غرار قناة الزيتونة التي فيها شبهة في تمويلها بشهادة البنك المركزي التونسي.

ظهرت المقالة على المباشر في موزايبك: مخلوف النائب عن ائتلاف الكرامة ينعت الاعلامي هيثم المكي ب”الكلب و المأجور الي نشوه علينا” (فيديو) أولاً على أنباء تونس.