على اثر وقع الأحداث ليوم الثلاثاء 23 مارس 2021 و قرار راشد الغنوشي رئيس البرلمان و مكتبه منع عبير موسي حضور 3 جلسات متتالية، و كل ما تأتى عن ذلك، كتب مهدي الغزاي الخبير في الاتصال للتحليل للخطاب السياسي ما يلي و جاء باللغة الدارجة:

“علاش عبير موسي بش تربح في الانتخابات الجاية و ماهيش فقط ظاهرة صوتية؟”

برشا من قوة #الإتصال و برشا من ضعف #استراتيجية خصومها السياسين :

1- الإتصال السياسي:

هذا كيما شفناه في التدوينات السابقة يرجع إلى أداها في :

أ- التجمعات السياسية بمثابة #فنانة_مسرحية على الركح تعمل في One Woman Show قدام عباد #تضحك و تصفق. و هذا يعجب برشا الناس إلي…بش نختصرو نقولو الفئات العمرية ما فوق 40 سنة و الطبقة المتوسطة.

ب- استعمالها العصري لمواقع التواصل الإجتماعي و هوني يعجب برشا إلي…..بش نختصرو الفئات العمرية تحت ال 40 سنة.

ج- حزبها برهن أنو #مهيكل بصفة جيدة و بش يكون عندهم المنسقين المحليين و المراقبين و الجو هذكا لكل (و هذا بش يساعد على أصوات المهمشة إلي تمشي تهزها نهارة الإنتخاب )

و أخيراً خطابها الراديكالي إلي يحفز العاطفة و إلي يلقى رواج في زمن الأزمات، و خاصةً إلي يتغذى من ضعف خصومها السياسيين.

2- ضعف استراتيجية خصومها السياسين و خاصةً حركة النهضة :

أ-الإستراتيجية هذي جات في التعويل على ائتلاف التوب رجلة: محامي ارهابيين و صانع دواء الكورونا و غازي المطار على خاطر ارهابية ، هو و أصدقاؤوالعباقرة: إلي يشجع على جهاد #النكاح و إلي يحب يعمل دوبل توشي في طبرقة.

#البراشوك هذا كي قواوه ، تقوا عليهم و أصبح يتغذا من قواعدهم إلى درجة معادش ينجمو يتخلاو عليه ، SINON ينجمو يلقاو رواحهم هوما البراشوك متاعو (و لكن مازال ما وصلوش إلى نقطة لا عودة).

ب- التخلي على حلفاء استراتيجيين كما Courant Démocrate – Attayar التيار الديمقراطي و Mouvement Echaâb – حركة الشعب ، إلي بدورهم مشاو في المواجهة الراديكالية ضد حركة النهضة ، و تغييب قيادين كيما Samir Dilou سمير ديلو و Abdellatif El Mekki عبد اللطيف المكي و Imed Hammami إلي كانوا ينجمو يجمعو مع الرئيس و الاتحاد.

النهضة تلقى روحها كيما الملاكم المحاصر في تركينة ، و ما ينجمش يعنق منافسو كيما عمل مع النداء. ما بقلها كان الإداريين و صاحبنا متاع الشلينغ.

ج- التمسك بالمشيشي ، رمز الفشل و “الوحش” الأسود للرئيس. و إلي ما عادى باركينغ القصبة ، ما عندو حتا شعبية و لا كاريزما ، ما تحكيلي حتى حكاية.

هذا لكل يخلي #عبير_موسي في طريق مفتوح إلى الحكم ، الإنتخابات تصير العام هذا أو في 2024.

شنوا كانو ينجمو يعملو ؟

تعبي الوسط ،و تخدم على روحك : عبير موسي عمرها ما كانت تاخو هذه الشعبية في ضل تواصل حكومة الفخفاخ ، أو كانو ينجمو يمشيو قبل الجملي في حكومة مع التيار/الشعب و قلب تونس/الإصلاح/تحيا/أفاق و فاضل عبد الكافي و مشروع تونس.

عبير موسي بش تعطل المجلس ؟

بش يدور عليها الشعب على خاطر تولي هي الجلاد و الحزام الحكومي #الضحية (موش العكس) .

و لكن الآن في ضل وجود الطوب رجلة و بعد إلي عملوه لكل ، تهناو فما عباد فرحانين انو المجلس معطل و معاتش تعتبر حاجة خايبة خاطر في بالهم إلي هي تعطل في مشروع ضلامي.

المبالغات متاعها بش تكتشف: لا بش يصدقوها إلي هي مستهدفة ، لا حكاية الNDI و المتربصين البرلمانيين. ماو عبير في بالها إلي النائب ، كيما في وقت بن علي ، و كيما إلي في الكتلة متاعها ، صوريين ما عندهمش خدمة و تنسيق مع جمعيات و منظمات و ما يستحقوش مساعدة برلامانية. تي كان موش المنظمات راو لا عندنا دراسات لا مشاريع تنموية لا دينامكية مدنية لا سيدي زكري.

في 9 نوفمبر 1799 ، بعد عشر سنوات من اندلاع #الثورة الفرنسية ، تولى نابليون بونابرت السلطة. الانقلاب رحب بيه الشعب الفرنسي لأنه يعتبر أن “#الدكتاتورية ضرورية لإنقاذ الجمهورية”.

هل وصلنا إلى نقطة لا عودة ؟

إجريلنا يا Karim Gharbi K2rym Tunisia كادوريم أمان.

#سلطة_الحوار”.

ظهرت المقالة الخبير الغزاي: “علاش عبير موسي بش تربح في الانتخابات الجاية و ماهيش فقط ظاهرة صوتية ؟” أولاً على أنباء تونس.