” أنا أبله سعيد، مايعبرو عليه بالفرانساوية Imbécile heureux،
والشيّ هذا ما يقلّقنيش بالكلّ، بل
بالعكس ديما نحاول ونسعى باش نركّز، ونغذّي،
وانّمّي الفكرة والصّف والشّهرة هاذي عند النّاس، على خاطر الحُمق، ة
والغباوة والبلاه متاعي أنا مقرّرهم ومسطرّهم في إطار خطّ مدروس ة ة ة
ومستوحاة من تجاربي اليوميّ باش ننجح في الحياة. ة
على حسب تجربتي في هالدّنيا الكلب ، لاحظت اللّي أكثر النّاس قلوبهم ة
كحُل ومغيارين وبُغضيّين وحسودييّنّ، وآشكون يبغضو؟ ما يحسدوش
الفقراء، والزّواول والتّرورة، والمزمّرين، والخيّاب، ووجوه اللّوح، والشّلايك، ة
والبهايم، والمسطّكين، والمنتّفين، والبطّال ، واللّي ماعندهمش عْشاء ليل ، ة ة
هاذم الكلّ ما يقلّقوهمش، بالعكس يتقبّلوهم بصدر رحب.
أما يحسدو كلّ إنسان نجح في ميدان مالميادين وإلاّ عمل دار باهي ، وإلاّ ة
كرهب مضخم ، وإلاّ مشروع رابح، يهبطو عليه بالسّكاكن يقدّدوه، يردّوه ة ة
تستيرة، كفتاجي بالعظم . أما اللّي يبدى مزمّر يمنع من بلاهم، وخاصّ ة ة
يعطيهم الإحساس اللّي هوما خير منّو ومتفوّقين عليه، وآنا في معاملاتي
مع هالشّلايك نقضي بيهم قضيتي ونضحك على لحيتهم، ونمشّيلهم في
بالهم اللّي هوما يضحكو عليّا”.

ظهرت المقالة الطاهر الفازع يعلن عن صدور قصة “الأبله السعيد” و يعلق: “أنا أبله سعيد، ما يعبّرو عليه بالفرانسويّة Imbécile heureux” أولاً على أنباء تونس.