في قراءته للتصريحات الأخيرة في قناة نسمة او في الجزيرة لحمة الهمامي زعيم حزب العمال منذ أكثر من 30 سنة و التوقف على ما قاله مساء أمس الجمعة 30 جويلية الجاري على قناة التاسعة في برنامج رنديفو 9 و التي أثارت جدلا على صفحات التواصل الاجتماعي و الحكم النهائي على القائد و المناضل اليساري، الخبير في الاتصال مهدي غزاي نشر صباح اليوم السبت 31 جويلية التحليل التالي أين أوضح ان الرفيق حمة يرفض النظر الى الى الواقع:

“تحليل حوار حمه الهمامي Hamma Hammami أمين عام حزب العمال البارح على قناة التاسعة :

سي حمه الهمامي جاء للبلاتو على زوز رسائل أساسية : هذا إنقلاب ، و يجب إسقاط المنظومة هذي لكل بما فيهم قيس سعيد.

1- رسالة هذا إنقلاب إعتمد على LOGOS أي حجج غريبة بصراحة : قالك إنقلاب ، و الدليل إنو محضر عندو مدة.

يا رفيق كفاش تعرف إلي هو محضر ؟ قالك الدليل خرجت وثيقة سري مطلق في جريدة “ميدل ايست آي” .

هذه هي حجة حمة الهمامي. جريدة مختصة في الفايك نيوز و كيما الجزيرة ، نعرفو من شكون ممولة و الخط التحرري متاعها.

حمة الهمامي وقع في فخ ال Confirmation bias وإلي هو يسمى بالانحياز التأكيدي :

شنوا هذا ؟
الانحياز التأكيدي هو أنك ديما تعطي أكثر قيمة و انتباهك للحجج والحاجات إلي تتمشا مع أفكارك المسبقة (مهما كان المصدر)

حمة الهمامي ما يحبش يشوف الواقع ، و انما يعدل في الواقع بش الواقع يولي يتماشى مع الاديولوجية متاعو.

2- نجيو توا إلى رسالة يجب إسقاط المنظومة لكل بما فيهم قيس سعيد.

سامحني يا رفيق ، موش إنتي يا حمة شاركت في هذه المنظومة و شديت صحيح في المجلس التأسيسي إلي جاب “المنظومة هذي ” ؟

سي حمة يحب يغير المنظومة لكل ، إلا روحو.
كل شي لازم يسقط ،إلا حمة الهمامي.

و هذا هو أول داء تعاني منو السياسة و هي الميغالوماني ، إلي هي أول الخطوات نحو الدكتاتورية”.

فيديو :

https://www.facebook.com/AttessiaTV/posts/2114855792041495

ظهرت المقالة غزاي: “الرفيق حمة، مرجعيته الفايك نيوز و يطالب باسقاط المنظومة التي شارك فيها بفكرة المجلس التأسيسي”(فيديو) أولاً على أنباء تونس.