في هذا القصيد الساخر المليء بالمرارة الشاعر الشعبي التونسي لزهر الضاوي يعبر بلغة دارجة عن هواجس المواطن التونسي و تخوفاته من المستقبل في شكل رسالة طلب معونة من النجاشي وهو حاكم الحبشة وملك ملوكها القديم (أثيوبيا اليوم).

شعر لزهر الضاوي

حِنّ علينا يا النجاشي… رانا مْفَلّّسين…

نستنو في “القرض” ماجاشي…

قعدنا حابسين…

فاوضنا “الصندوق” ماباشي…

و”سبّ علينا الدين” !

أصل “الصندوق” يا “نجاشي”…

بيد “المُشْرِكين” !

واحنا حتى “الزيت” مابقاشي…

ولا “سكر” لا “طحين”…

وبات الجيعان ماتعشّاشي…

وكان “ربي المُعين”…

طلبنا “سلمان” ما اعطاناشي…

ووطّى فينا العين…

وغيرك شكون… يا “نجاشي”…

يغيث “المُسْلِمين” ؟

من “بنزرت” حد “بني خداشي”…

وحيّ “الملاسين”…

عجل… غجل ما تبطاشي…

رانا مغصورين…

و”رقم القرن”…بالك تنساشي…

“الواحد والعشرين”….

قم القرن”… بالك تنساشي…

“الوااااحد… والعشرييين”!

حن علينا… يا “النجاشي”….

ظهرت المقالة رسالة طلب إغاثة من مواطن تونسي إلى ملك ملوك الحبشة ! أولاً على أنباء تونس.