علق ياسين العياري النائب عن أمل و عمل مساء اليوم الاربعاء 16 ديسمبر على ما صرح به من باريس رئيس الحكومة هشام مشيشي خلال حوار أجراه معه توفيق مجيد بثته أول أمس قناة فرانس 24 عندما وصف المهاجرين غير القانونيين بالارهابيبن.

و نشر العياري تعليقه او تحليله او نقده على صفحته الرسمية بالفايسبوك، وفق ما يراه ليطرح الاسباب و المسببات ليهجر الشباب وطنهم:

“كفانا نفاقا!

نعم سي هشام، الهجرة السرية مرتبطة بالإرهاب! أوافقك في هذا جدا!

مرتبطة بإرهاب الدولة ضد شبابها!

مرتبط بإرهاب أوروبا ضد الدولة!

لما أوروبا تفرض علينا إتفاقية 95 الي حطمت الصناعة التونسية تحطيما، و عشرات آلاف الشباب التونسي خسر فرص عمل، فرص حياة

لما أوروبا تدعم دكتاتور، يسرق هو و أنسابه 17% من الناتج القومي الخام، الفلوس هذيكا كانت تخلق ثروة، فلوس، عمل، أحلام للشباب

لما أوروبا تحب تفرض علينا الأليكا الي بش تقضي على الفلاح التونسي

إرهاب هذا و إلا موش إرهاب؟

لما الدولة، لا تترك فرصا للشباب : يا بوك نقابي أو واصل يدبرلك كنكور، يا تاكلك البطالة : تمويل ما ثماش، نمو ما ثماش، خدم ما ثماش، تحب تحل مشروع يقتلوك رخص و أوراق و في الإخر ما ثماش

لما الدولة كل حركة ببركة : تخدم بالرشوة و الجعالة و القهوة

لما دولة ناخرها الفساد و الكسل و الهروب للأمام

لما المدرسة و الجامعة و السبيطار و الستاد ولات مقابر

قلي سي هشام، إرهاب هذا و إلا موش إرهاب؟

نعم سيدي رئيس الحكومة، ماكش غالط الهجرة السرية مرتبطة بالإرهاب، بأبشع أنواع الإرهاب : قتل الأحلام و قتل الأمل.

الحازمون أحلامهم في حقائب و هاربون، ليسوا إرهابيين سي هشام، هم.. ضحايا الإرهاب!”

ظهرت المقالة ياسين العياري يتفق مع رئيس الحكومة: “نعم سي هشام، الهجرة السرية مرتبطة بالارهاب” أولاً على أنباء تونس.