“سبعة سنين ملّي شدّ، منهم خمسة ما يحكم معاه حدّ!
بسلطات فرعونية، لا ISIE حرّة، ولا محكمة دستورية.

قال باش يعمل المدينة الصحيّة، والصلح الجزائي، وتنمية حقيقية،
وينحّي المناولة والمديونيّة، ويحارب الفساد والمحسوبيّة.
ينقذ العاملة الريفيّة، ويطوّر الأحياء الشعبيّة.
وينقص من الفوارق الجهويّة، بالتعويل على ذات والشركات الأهليّة.
…
نحّى الشيكات، والناس تعبت، والبطالة قوّات!
لا ماء، لا دواء، لا موادّ أساسيّة… ونهار خمسة توفّى الشهريّة!
كفاءاتنا هاجرت، والشباب حرّق،
الاستثمار تعطّل، والاقتصاد غرق.
لا خلّى حزب، لا جمعيّة، لا إعلام، لا ديمقراطيّة!
والإنجازات… زيارات فجائيّة وخطابات شعبويّة.

سبعة سنين ظلم وفشل، والبلاد ماشية من غير عقل!
التوانسة يعيشوا المذلّة، والشباب فقد الأمل.

وين الجمهوريّة؟ وين التنمية؟
كونوا في الموعد!
نهار 25 جويلية
الستّة متاع العشيّة
بساحة الجمهوريّة “الباساج”

• ونقولوا بصوت واحد:
• “يِزّي من العبث!”
  النائب المسدي حول تعذر ظهور الرئيس:
  “الحكومة الصامتة تترك الأزمات تتفاقم…”

ظهرت المقالة تحرك نَفَسْ يذكر في دعوته بالجولة 2 يوم 25 جويلية تحت شعار: “يِزّي من العبث!” أولاً على أنباء تونس.