“كيفاش صيف سخون ينجم يصغر كبر كعبة البطاطا و يبدل حسابات قطاع كامل؟

*في بلجيكا، بعد ثلاث موجات حرّ و شهرين متواصلين من الجفاف في صيف 2026، صابة البطاطا نقصت بحوالي 40% مقارنة بـ2025 و كي نحسبوا المردود في الهكتار نلقاوه أقل بـ20% من معدل عدة سنوات و برشا من البطاطا اللي تلمّت جات أصغر من العادة هوني الحجم و الكبر عندو قيمة اقتصادية خاطر بين 85 و90% من الإنتاج البلجيكي يمشي للتحويل الصناعي و مصانع الفريت تشترط حدّ أدنى لحجم كعبة البطاطا و الفلّاح ينجم يلم صابته و يلقى جزء منها صعيب يتباع للمصنع اللي كان يحسب عليه.

*فرنسا زادة عاشت موسم صعيب التقديرات الرسمية في أكتوبر تحطّ صابة بطاطا التخزين أقل بـ22% من الصابة القياسية متاع 2025، مع تراجع المساحات المزروعة و مردود تضرّر من الحرّ و الجفاف
*و في هولندا، الصابة نقصت بـ17% مقارنة بالعام اللي فات أما بقات قريبة من معدل عشر سنين غادي المساحات المزروعة تقلّصت و المردود في الهكتار نقص بحوالي 3% فقط و زيد الأرقام هاذي توري كيفاش نفس الصيف ينجم يعطي نتائج مختلفة من بلاد لبلاد.
البطاطا كمحصول استراتيجي؟ حسب منظمة الأغذية و الزراعة أكثر من مليار إنسان ياكلوا البطاطا بانتظام و برشا منهم يعتمدوا عليها يوميا و هي ثالث أكثر محصول غذائي متاح في العالم بعد الرزّ و القمح يعني كي تتضرر الصابة الحكاية تمس دخل الفلّاح و تزويد المصانع و تمس زادة غذاء حاضر بصفة منتظمة في موائد برشا عائلات.
في تقديري أكثر تفصيل مهم في حكاية بلجيكا هو كبر كعبة البطاطا خاطر باش نفهموا أثر موجة حرّ على الفلاحة يلزم نسألوا زوز أسئلة قدّاش لمّ الفلّاح؟ و قدّاش من اللي لمّه ينجم يبيعه؟ “.

ح.ح

ظهرت المقالة المهندس البيئي حمدي حشاد يكتب عن أزمة البطاطا أولاً على أنباء تونس.

“عندكم تصور قداش من مساحة كلاتها الحرائق في تونس من 2011 إلى اليوم؟
خليني نعطيكم رقم ممكن يصدمكم 164000ألف هكتار، يعني تقريبا قد ولاية المنستير كاملة 1.6 مرة اي نعم قد ولاية مش غالط الي تقراو فيه يعني تخيلوا يا ناس قد ولاية المنستير 1024 كم مربع ، و زيدوا فوقها أكثر من نصف مساحتها باش تاخذوا فكرة على حجم المساحات اللي تعدات عليها النيران خلال الفترة هذي.

الأرقام هذي عرضت خلال مداخلة علمية، في عرض يحمل اسمي الباحثين Hammadi Achour و Wahbi Jaouadi من معهد الغابات و المراعي بطبرقة، بالاعتماد على معطيات EFFIS و نحكيوا هنا على مساحة تراكمية يعني نفس المنطقة تنجم تكون تحرقت أكثر من مرة في سنوات مختلفة.
و اللي شد انتباهي أكثر هو وضع سنة 2026 اللي حريقين وحدهم فيها وصلوا إلى 11,214 هكتارا بساقية سيدي يوسف بالكاف و فما تقديرات أولية تشير إلى أن إجمالي المساحات المحروقة السنة هذي ينجم يتجاوز 16 ألف هكتار و ربما يكون أعلى ببرشة هذا يخلينا نتساءلوا هل تكون 2026 السنة الأكبر من حيث المساحات المحروقة؟ مازال بكري باش نجزموا و في انتظار السنة تتسكر و تتجمع الحصيلة النهائية باش نعرفوا قداش صار من حريق و قداش من مساحة تحرقت بالضبط”.
ح.ح

ظهرت المقالة حمدي حشاد: التهمت الحرائق في تونس من 2011 الى اليوم مساحة 164000 ألف هكتار أولاً على أنباء تونس.

“المشهد يشبه لأفلام الكوارث، أما صار اليوم 9 أكتوبر في صقلية و تحديدا 180 كم فقط عن السواحل التونسية على الجهة المقابلة لينا من المتوسط زوبعة قوية ضربت مارسالا و المناطق المجاورة، قلبت كراهب و تسببت في أضرار للمباني وإصابات منها زوز أشخاص تقلبت بيهم كرهبتهم في منطقة بيتروزينو.
الصور تبين قوة الظاهرة و كيفاش في وقت قصير تنجم تبدل المشهد بالكامل. وقت نشوفوا زوبعة تقرب الأولوية للاحتماء داخل مبنى متين و الابتعاد على الشبابيك التصوير ينجم يستنى”، منقول عن صفحة الأستاذ حشاد
*ح.ح

ظهرت المقالة بالفيديو/ المهندس حشاد يعلق على الزوبعة التي ضربت صقلية في الجهة المقابلة و القريبة لسواحلنا أولاً على أنباء تونس.

“فما تقرير صدر مؤخرا عنوانهPlanetary Health Check 2026 — الي يعني فحص صحة الكوكب 2026، و الصادر عن معهد بوتسدام لأبحاث تأثيرات المناخ PIK و الي يؤكد تجاوز 7 من أصل 9 حدود كوكبية.
الأرض عندها حدود لقدرتها على تحمل الضغط اللي نحطوه عليها. حسب تقرير «فحص صحة الكوكب 2026» وين تجاوزنا 7 من أصل 9 حدود كوكبية تساعد على استقرار الأرض والمحافظة على الظروف اللي تعتمد عليها حياتنا باش نفهموا شنوّة يعني هذا هاذم الحدود بالواحد بالواحد.

الحد الأول 1 التغير المناخي وين تراكم غازات الدفيئة يحبس مزيد من الحرارة و يبدل توازن المناخ و الحد هذا تجاوزناه.
الحد الثاني 2 سلامة الأنظمة الحية والتنوع الحيوي خسارة الأنواع وتدهور الأنظمة البيئية يضعفوا وظائف الطبيعة من تلقيح النباتات إلى تجدد التربة و هذا الحد هذا تجاوزناه.
الحد الثالث 3 وين تغير استعمالات الأراضي تحويل الغابات و الأراضي الطبيعية إلى حقول و مناطق عمرانية يضر بدورة الماء وتخزين الكربون ومواطن الكائنات الحية و الحد هذا تجاوزناه.
الحد الرابع 4 تغير المياه العذبة الموضوع يشمل الماء في الأنهار والبحيرات والمياه الجوفية، و زادة رطوبة التربة اللي تعتمد عليها النباتات و الاستنزاف و تغيير دورة الماء خلانا نتجاوزوا الحد هذا.
الحد الخامس 5 وين اختلال دورتي النيتروجين والفوسفور هاذم عناصر ضرورية للحياة أما استعمالهم بكميات مفرطة، خاصة في الأسمدة و يزيد تلوث المياه و تكاثر الطحالب و نقص الأكسجين فيها و الحد هذا زادت تجاوزناه.
الحد الخامس 6 تحمض المحيطات المحيطات تمتص ثاني أكسيد الكربون و هذا يرفع حموضة الماء و يضر بالشعاب المرجانية و الكائنات اللي تبني أصداف و هياكل كلسية و الحد هذا تجاوزناه.
الحد السابع 7 إدخال مواد وملوثات جديدة إلى البيئة كيف البلاستيك و المبيدات و المواد الكيميائية المصنعة اللي نطلقوها بكميات تتجاوز قدرتنا على تقييم مخاطرها و التحكم فيها و الحد هذا تجاوزناه.
الحد الثامن 8 وين استنزاف الأوزون في طبقات الجو العليا طبقة الأوزون تحمينا من الأشعة فوق البنفسجية الضارة الحد هذا ما تجاوزناهش حاليا و الاتفاقيات الدولية للحد من المواد المدمرة للأوزون ساعدت على تحسنه.
الحد التاسع 9 تحميل الغلاف الجوي بالجسيمات الدقيقة كيف السخام والغبار و جسيمات التلوث اللي تأثر على الصحة و السحب و الأمطار الحد هذا ما تجاوزناهش على المستوى العالمي أما فما مناطق تعاني من مستويات خطيرة.
تجاوز الحدود ما يعنيش بصفة أتوماتيكية انهيار فوري، أما يرفع احتمال تغييرات كبيرة يصعب عكسها و الحدود هاذي مترابطة كي نخسروا غابة مثلا نضروا بالتنوع الحيوي ودورة الماء ونضعفوا تخزين الكربون في نفس الوقت لذلك حماية المناخ و الماء و التربة و الطبيعة يلزم تدخل في صميم قراراتنا الاقتصادية و الفلاحية خاطر عليها تتبنى صحتنا و قدرتنا على إنتاج الغذاء”.

ظهرت المقالة المهندس البيئي حشاد يتطرق الى ما جاء في تقرير حديث حول صحة الكوكب أولاً على أنباء تونس.

“يلزمنا نتوخاو الحذر من توا حتى لنهاية الأسبوع و مجموع الأمطار ينجم يتجاوز 100 مليمتر في بعض مناطق الشمال والشمال الغربي والوسط القبلي و هذا يرفع خطر تراكم المياه و تواصل الفيضانات خاصة في المناطق المنخفضة وبالقرب من الأودية.
الوضع يزيد يتعقد بعد فترة طويلة من الجفاف و موجات الحر خاطر التربة الجافة و المتصلبة تنجم تكون قدرتها على امتصاص الأمطار الغزيرة والسريعة محدودة فتتحول نسبة أكبر من المياه إلى سيلان سطحي.
ننتبهوا عيشكم و نتجنبوا عبور الأودية وأماكن تجمّع المياه، و ناخذوا تدابير الحماية اللازمة حتى نهاية الأسبوع.

حمدي حشاد مهندس بيئي

ظهرت المقالة الطقس: المهندس البيئي حمدي حشاد يدعو الى توخي الحذر الى نهاية الأسبوع أولاً على أنباء تونس.

وإذا كانت الأمطار أقوى من قدرة التربة على استيعابها تتحول المياه بسرعة إلى جريان سطحي وتتجمع في الأودية و المناطق المنخفض هذاكة علاش نخذوا حذرنا من سبيل الاحتياط”.
“الأمطار ديما مطلوبة و تفرح أما توى يلزم نستقبلوها بالانتباه و الحذر بالأخص في الظروف المناخية هاذي”، ختم المهندس حمدي حشاد تدوينته.

ظهرت المقالة المهندس البيئي حمدي حشاد يحذر من عبور الأودية و مجاري المياه أولاً على أنباء تونس.

عادة كي نحكيو على الأمراض اللي ينقلها الناموس ، أول حاجة تجي في بالنا هيا المطر والرطوبة والمياه الراكدة أما اللي صار في البرازيل يورّي أن المعادلة ولات أعقد برشا و هنا حتى الجفاف الشديد ينجم يخلق ظروف مناسبة لانتشار الأمراض.
بين 2016 – 2019، شهدت البرازيل واحدة من أكبر موجات الحمى الصفراء في تاريخها الحديث، بأكثر من 2000 إصابة وقرابة 750 وفاة دراسة حديثة رجعت للظروف المناخية والإيكولوجية اللي سبقت التفشي (تلقاو الرابط في التعليقات ) ، لاقات الي الجفاف الاستثنائي لعب دور مهم في تغيير سلوك الحيوانات و الناموس داخل الغابات.

مع نقص المياه، القرود و ناموس الغابة Haemagogus يضطروا للتمركز والتحرك نحو مصادر المياه القليلة المتبقية، و ساعات نحو مناطق أقرب للتجمعات البشرية و في نفس الوقت، تشير النماذج إلى أن الضغط الناتج عن الجفاف يمكن أن يغير سلوك البعوض ويزيد من وتيرة بحثه عن وجبة دم. وهنا تتجمع عناصر خطيرة في مساحة أصغر ناموس ناقل، حيوانات حاملة للفيروس، وإ بطبيعة نسان.
المثير للاهتمام هنا أن الجفاف ما خلقش الفيروس وما كانش العامل الوحيد وراء الوباء، لكن ساهم في إعادة ترتيب العلاقات داخل النظام البيئي بطريقة سهّلت انتقال المرض وين إزالة الغابات، تغير استعمال الأراضي وانخفاض التغطية بالتلقيح كانت عوامل أخرى مهمة.

وهذا يخلينا نراجعوا فكرة منتشرة تقول إن ارتفاع خطر الأمراض المنقولة بالناموس مرتبط فقط بالأمطار والفيضانات التغيرات المناخية تنجم تخدم في الاتجاهين الأمطار الغزيرة تنجم توسع أماكن تكاثر الناموس و الجفاف الشديد ينجم يجمع الإنسان والحيوان والناقل حول الموارد القليلة المتبقية.
هذاكة علاش الجفاف اليوم ما عادش فقط مسألة نقص مياه، خسائر فلاحية أو ضغط على إنتاج الكهرباء وين العالم ولى أكثر سخونة وأكثر تطرفا مناخيا، الجفاف ينجم زادة يتحول إلى مسألة صحة عامة، ويغير حتى جغرافيا بعض الأمراض المعدية وطريقة انتقالها من الحياة البرية إلى الإنسان.

حمدي حشاد مهندس بيئي

ظهرت المقالة المهندس حشاد: “كيفاش الجفاف ينجم يزيد في انتشار الأمراض؟ تجربة البرازيل تعطينا إجابة مقلقة” أولاً على أنباء تونس.

“كيفاش البدن ينجم يحافظ على درجة حرارة تقريبا 37°C حتى كي تكون الدنيا 45 أو حتى 50 درجة؟

الحكاية الكل تبدأ من – Thermostat – الطبيعي الموجود في المخ، وبالضبط في منطقة اسمها (Hypothalamus) المنطقة هذي تراقب باستمرار حرارة البدن ، وأول ما تلاحظ ارتفاعها، تعطي أوامر فورية باش يبدأ التبريد.

“أول رد فعل هو توسيع الأوعية الدموية القريبة من الجلد، باش يولي الدم أقرب للسطح ويطرح جزء من الحرارة للهواء. من بعد تبدأ الغدد العرقية في إفراز العرق و المهم في العملية موش العرق في حد ذاته، لكن تبخره من سطح الجلد، لأن عملية التبخر هي اللي تسحب الحرارة وتبرد الجسم.
“و في نفس الوقت، الجسم يحاول يقتصد في إنتاج الحرارة الداخلية. هذاكة علاش نحس بالتعب، تقل الرغبة في الحركة، ويرتفع الإحساس بالإرهاق هذه موش علامة ضعف، بل هي استراتيجية ذكية باش ما يزيدش الجسم في إنتاج الحرارة.

“أما لازم نفهمو حاجة الي المنظومة هذي عندها حدود ، كي ترتفع الحرارة بشكل كبير، خاصة إذا كانت الرطوبة مرتفعة، يولي تبخر العرق أقل فعالية، ويبدأ الجسم يفقد قدرته على التخلص من الحرارة وقتها ترتفع حرارة الجسم الداخلية، ويزيد خطر الإجهاد الحراري أو حتى ضربة الشمس، وهي حالة طبية خطيرة تستوجب التدخل السريع.

“لهذا السبب، موجات الحر الحالية ما عادش مجرد شعور بعدم الراحة. هي اختبار حقيقي لقدرة جسم الإنسان على التكيف. وكل ما ترتفع درجات الحرارة أكثر بسبب التغيرات المناخية، كل ما تقترب منظومة التنظيم الحراري (Thermoregulation) من حدودها الفيزيولوجية الي ممكن تحافظ على سلامة اجسادنا .

“بطبيعة نصائح كيما شرب الماء، تجنب التعرض للشمس في ساعات الذروة، البحث عن أماكن مظللة أو مكيفة، و بالطبيعة التقليل من المجهود البدني، ما عادوش مجرد نصائح تقليدية تسمعهم كل يوم اما راهم وسائل لحماية الجسم من تجاوز حدوده الطبيعية”.

*حمدي حشاد مهندس بيئي

ظهرت المقالة تكرر موجات الحر | حمدي حشاد: “شنوة يعمل بدن الإنسان وقت يسخن؟” أولاً على أنباء تونس.

الخرائط تُظهر درجات حرارة على مستوى 850 هكتوباسكال تتراوح بين 22 و26 درجة مئوية فوق تونس، وهي قيم مرتفعة قادرة، إذا توفرت الظروف المناسبة من سماء صافية ورياح ضعيفة، على دفع درجات الحرارة السطحية إلى حدود 40 إلى 45 درجة في عدد من المناطق الداخلية، مع احتمال تجاوز ذلك محلياً في بعض الولايات المعروفة بحرارتها مثل القيروان، سيدي بوزيد، توزر، قبلي وقفصة.

في المقابل، قد تبقى المناطق الساحلية أقل حرارة نسبياً بفضل تأثير البحر، لكن ذلك لن يمنع استمرار الإحساس بالإجهاد الحراري، خاصة مع ارتفاع نسب الرطوبة خلال الليل، ما قد يؤدي إلى تواصل ظاهرة الليالي الاستوائية حيث لا تنخفض درجات الحرارة إلى مستويات مريحة.

تبقى هذه التوقعات على بعد حوالي 15 إلى 16 يوماً، وبالتالي فهي ليست توقعاً نهائياً، لكن ما يلفت الانتباه هو أن عدة نماذج بدأت تتفق على عودة المرتفع شبه المداري وسيطرة أجواء مستقرة وحارة مع بداية أوت ، وإذا تأكد هذا السيناريو في التحديثات القادمة، فقد ندخل فترة جديدة من الموجات الحارة تستوجب المتابعة والاستعداد، خاصة مع استمرار ارتفاع حرارة البحر الأبيض المتوسط، الذي قد يزيد من الإحساس بالحرارة والرطوبة.

حمدي حشاد، مهندس بيئي

ظهرت المقالة توقعات المهندس حمدي حشاد: عودة متوقعة لموجة حر ثانية في الاسبوع الأول من شهر أوت أولاً على أنباء تونس.

لكن في الحقيقة، مفهوم الملاجئ المناخية أوسع بكثير من مجرد قاعة فيها مكيف هو جزء من رؤية جديدة اسمها Climate Resilient Cities أو المدن القادرة على الصمود. يعني المدينة تولي تهيئ فضاءاتها العمومية أو تحدث بعض المناطق باش تحمي سكانها من الظواهر المناخية المتطرفة، سواء كانت موجات حر، برد، حرائق، تلوث هوائي أو حتى فيضانات ، اليوم نشوفوا في الاخبار بالتزامن مع موجات الحر الي تضرب في أوروبا مدن كيف باريس تفتح “غرف باردة” أثناء موجات الحر، وكندا تعتمد Cooling Centres في أغلب المدن الكبرى، والولايات المتحدة تنشر خرائط رقمية للمراكز المفتوحة خلال الأزمات الحرارية، بينما أستراليا تدمج هذه الملاجئ ضمن خطط إدارة الكوارث المحلية.
ومع تزايد عدد الأيام التي تتجاوز فيها الحرارة 45 و46 درجة في بعض المناطق، قد يصبح هذا النوع من البنية التحتية ضرورة وليس رفاهية وربما بعد سنوات، سيكون وجود “ملجأ مناخي” في كل حي بنفس أهمية وجود مركز صحة أو مركز حماية مدنية خاصة مع التوقعات التي تشير إلى أن موجات الحر ستكون أطول وأكثر تكرارا خلال العقود القادمة.

في منطقتنا العربية، لا يزال المفهوم في بداياته، رغم أن الحاجة إليه قد تكون أكبر من مناطق أخرى نظرا لطبيعة المناخ عندنا ، إلى حد الآن لا توجد شبكات وطنية واضحة للملاجئ المناخية في أغلب الدول العربية، لكن توجد مبادرات متفرقة مثل فتح بعض المساجد أو القاعات البلدية أو المراكز الاجتماعية خلال الظروف الجوية القاسية او حتى مبادرة البعض للدخول للمغازات خلال فترات الذروة بحثا عن الهواء البارد ، ويمكن مستقبلا تطوير الفكرة لتشمل المدارس، دور الشباب، المكتبات، دور الثقافة، محطات النقل الكبرى، وحتى المراكز التجارية و المحلات التجارية ، مع ضمان توفر الماء، التكييف، الإسعافات الأولية، وإمكانية استقبال الفئات الأكثر هشاشة.

وربما لا يقتصر الأمر مستقبلا على “ملجأ مناخي” فقط، بل سنبدأ نسمع أكثر عن مفاهيم جديدة مثل Climate Shelters، وCooling Corridors (ممرات حضرية باردة تعتمد على الأشجار والظل)، وHeat Action Plans، وBlue-Green Infrastructure التي تستعمل المياه والمساحات الخضراء لتخفيض حرارة المدن، إضافة إلى Climate Safe Zones داخل الأحياء السكنية هاذي مفاهيم بدات كخيال علمي منذ سنوات و توى اصبحت مفاهيم حقيقية .
قد يبدو الحديث اليوم مبالغا فيه للبعض، مثلما كان الحديث قبل سنوات عن القباب الحرارية أو الهجرة المناخية ، لكن إذا واصل العالم تسجيل درجات حرارة قياسية بهذا النسق، فمن غير المستبعد أن تصبح الملاجئ المناخية خلال العقدين القادمين بندا ثابتا على طاولة المجالس البلدية ووزارات البيئة والصحة والداخلية، تماما كما أصبحت خطط الحماية من الفيضانات أو الحرائق جزءا أساسيا من التخطيط الحضري. أحيانا، ما نعتبره اليوم فكرة بعيدة، يتحول مع تغير المناخ إلى ضرورة لا يمكن الاستغناء عنها.

*حمدي حشاد

ظهرت المقالة المهندس البيئي حمدي حشاد متسائلا: الملاجئ المناخية، هل تصبح بعد سنوات جزءا عاديا من مدننا ؟ أولاً على أنباء تونس.