يحذر الدكتور رفيق بوجدارية المواطنين عبر تدوينة نشرها صباح اليوم الخميس 24 جوان 2021 من موجة الكورونا في هذه الأيام و المتسبب فيها المتحور الهندي اي الفيروس دلتا و نسبة العدوى فيها مرتفعة جدا، الواحد يعدي من 5 الى 10…

التفاصيل: “الموجة هذي عنيفة و قوية.

ضربت في ولايات نسبة الملقحين فيها ضعيفة ، و ضربت شباب و ناس دون الاربعين و حتى الأطفال ..

الموجة هذي نسبة العدوى فيها مرتفعة جدا ، الواحد يعدي من 5 إلى 10 أفراد R0.

الموجة هذي تتسبب مباشرة في تعبئة المستشفيات و في نسبة وفيات كبيرة .

الموجة هذي ، المتسبب فيها هو المتحور الهندي اي الفيروس دلتا ، واللي توة موجود في 95 بلاد و أصبح الاول في بريطانيا بعد ما أزاح صاحب الميدان …باش نعرفو قوته..

الفيروس دلتا يمرضو به الغير ملقحين بنسبة الثلثين 67٪ أي أن التلقيح يحمى منو .و يدخل السبيطار اللي موش ملقحين بنسبة الثلثين ..

و اللي موش ملقحين شكونهم

*اللي التلقيح ما وصلهمش…

*اللي رفضو التلقيح ؟!

*اللي أقل من الخمسين في تونس..

*أقل من الثلاثين في أوربا…

ماهو المطلوب؟؟؟

أربعة حاجات :

1-تعزيز الحماية الفردية

2-تكثير أسرة الأكسجين

3-حجر صحي شامل في المناطق الحمراء أكثر من 400 إصابة في 100.000 أو نسبة تحاليل أكثر من40%.

4-تعزيز و تقوية الحجر الصحي الموجه في باقي المناطق .

بعد هذا : لابد لابد لابد لابد لابد لابد لابد من التلقيح التلقيح التلقيح بسرعة و لاكثر عدد و عن قرب وهذي مسؤولية الدولة .

أقترح إكتتاب وطني لشراء التلاقيح .

د رفيق بوجدارية.

ربي يستر …”

ظهرت المقالة د.بوجدارية: هذه الموجة عنيفة سببها المتحور الهندي دلتا تصيب شباب دون الاربعين و الأطفال (توصيات) أولاً على أنباء تونس.