زميلنا ناجي البغوري يعلن اليوم الاثنين 5 جويلية 2021 عن اصابته بفيروس كورونا منذ 3 ايام. شفاء العاجلا يا نقيب!

و في ما يلي ما نشره في تدوينة فايسبوكية: “هذيان كوفيدي ثلاثة ايام، كل يوم نقوم الصباح تقولش ماكل طريحة نبّاش القبور. مدقدق لا عظم مع خوه، ومع ذلك نفرح الي انا مازلت في فرشي وفي داري.

خاطر أخبار السبيطارات في حالة تشبه لأفلام الرعب. السبيطارات وغيرها من المرافق العمومية الي موّلتها من جيبي و على حساب قوت صغاري لأكثر من ثلاثين سنا، كل شهر تتقص من شهريتي أكثر من عشرين بالمائة أداءات للدولة، وكنت ديما نقول مايسالش ماني باش نلقاهم في وقت الشدة، وترجعهم الدولة ليا ولصغاري صحة وتعليم وخدمات.

في ها اللحظة تنتابني حالة من اليأس على وضع البلاد بسبب الفشلة الي يسيروها، وبسبب شعب مازال مقسوم فيراجات كل فيراج يدافع على فاشل منهم. موش مشكلة الفايدة السادة المسؤولين لقحوا”.

ظهرت المقالة ناجي البغوري رئيس نقابة الصحفيين سابقا يكتب في “هذيان كوفيدي” حول اصابته بوباء كورونا فيروس أولاً على أنباء تونس.