“السلام عليكم
أنا كي هبطت حكايتي توقعت أنه الناس تتفاعل معاي عالاقل صحابي و الناس المقربين مني
أما عمري ما توقعت نلقى الكم الرهيب هذا من التفاعلات
بالحق توا وين حسيت لي أنا مانيش وحدي
الخير لي ما لقيتوش في عائلتي لقيتو في الناس الاخرى
الله يرحم والديكم الناس الكل و الله لا يوريكم لي شفتو

و نحب نقول للناس لي ما نجمتش نجاوبهم عيشكم سامحوني خاطر الرسائل بالعشرات ..
نحب نطمّن الناس الكل أنا توا في أمان في دار عمّي و السيد لي اعتدى عليّ هاونا توا موقوف و ان شاء الله ناخذ حقي منه
نحب نشكر زادا أعوان وزارة المرأة لي اتصلوا بيا و تعهدوا باش يوفرولي الحماية
و بالنسبة للناس لي حكات عليّ بالخايب من غير ما تعرفني
بيني و بينكم ربي ان شاء الله كل حد يحاسبو ربي على أقواله و أفعاله
و السلام”

ظهرت المقالة أول تعليق لرحاب فرج بعد ان تم ايقاف شقيقها بسبب تعنيفها أولاً على أنباء تونس.