و هذا ما أعلن عنه كاتب السيناريو حمزة السوداني. و وفق هذا الأخير الإخراج يعود إلى راوية مرموش و الحوار لمحمد المنصوري و “المسلسل واعد بتصور درامي تونسي يحترم العائلة و يمجد تاريخنا الوطني بمعايير دراسية جديدة، وفق تدوينة على صفحة حمزة السوداني الرسمية.

و كانت الصفحة الرسمية للمسلسل قد نشرت رسالة شكر لدعم مسؤولي التلفزة التونسية و جاءت كالتالي: “أدّى السيد شكري بن نصير، الرئيس المدير العام الجديد لمؤسسة التلفزة التونسية رفقة السيد معز الخضراوي مدير الإنتاج والسيد وليد محرز المنتج المنفذ للعمل ، زيارة ميدانية إلى مواقع تصوير مسلسل وادي الباي في ولاية قفصة. جاءت هذه الزيارة في إطار متابعة سير الإنتاج التلفزيوني والاطلاع على ظروف العمل والتجهيزات التقنية المتوفرة، بهدف دعم الفرق الفنية والوقوف على احتياجاتها لتعزيز جودة المحتوى المقدم للمشاهدين”.

ظهرت المقالة رمضان 2025: مسلسل “وادي الباي” على الوطنية الأولى أولاً على أنباء تونس.

ظهرت المقالة سوسن معالج تؤكد استقبال سنة 2025 فيلما جديدا من إخراج جميل النجار (مقطع فيديو) أولاً على أنباء تونس.

*عشت بطل و روحت بطل يا فتحي يا غالي يا كبير ،
شويتنا يا خويا ، خليتنا يتامى حزانى ، ظهرنا يزفر فيه الريح ،
مصيبتنا فيك كبيرة كبر بلاصتك في أعمالك
في قلوبنا في تاريخنا و في ذاكرة البلاد

لن تتكرر يا هدّاوي ، وتلك مصيبة أخرى ..

شكون يلمّنا توا ؟ شكون يسندنا ؟ شكون يعلّمنا ، شكون يرصّنا يقلّنا أهفتو ؟ شكون يلمّنا في خدمة ؟ شكون يهزّنا
و يعلّينا في عينين الناس ؟ شكون يحامي علينا ؟ شكون يصالحنا كي نتعاركو ؟ شكون يهز البارا لفوق ؟ شكون نشاورو أحنا توا ؟ لشكون خليتنا وراك يا فتحي ؟

لاإلاه إلا الله ولا حول ولا قوة إلا بالله .

اللهم أجرنا في مصيبتنا و تقبل روحه الطاهرة في رياض الصالحين اللهم ٱمين”.

ظهرت المقالة سوسن معالج تنعى زميلها الممثل القدير فتحي الهداوي أولاً على أنباء تونس.

“سعيدة جدا برجوعي للراديو
على جوهرة FM , إذاعة نحبّها و نحترمها و نتبّعها من قبل ، الصراحة ، نشم عليها ريحة بدايات الإعلام الحر في تونس الالفينات ، و فيها ناس خدمت معاهم في موزاييك كي حلت ، نحترمهم و نتمنالهم كل النجاح في سعيهم

سعادتي عانقت الانتشاء بوجودي ضمن فريق الإعلامي الرّائع و الرّاقي على الدوام منذ عرفته ذات 2002, بين أروقة ال إ.ت.ت و في نهج فلسطين و شارع الحرية و لافايات جملية ، الزميل المحترم جدا و الأنيق جدا و الفنان جدا جدا Sami Bennour .
سعيدة و فخورة أيضا بوجودي إلى جانب ناس قراب لقلبي نتقاسم معاهم برشة ذكريات و برشة محبة لتونس كيما البارح كيما اليوم #vintagevibes

صديقي اللامع ، الأولاني متع القسم Anass Ben Malek ، صديقتي العزيزة Hend Chaouch و الحلويات العسلية مالكة القلوب الرائعة فتحية الشواشي…

كونوا معنا من الإثنين للجمعة
مال 17h – 19h
على أمواج إذاعة جوهرة FM
و شكرا ع المتابعة
راسلونا ع النت”.

ظهرت المقالة جوهرة FM: سوسن معالج تعلن بكل حب عن عودتها للراديو في برنامج يومي أولاً على أنباء تونس.

و من بين المشاهير من الفنانين الذين انفردوا تقريبا برأيهم المخالف للأغلبية، سوسن معالج التي دونت ما يلي على حسابها الخاص بالفايسبوك:

“سوسن، هانا عرفناها بفضل اهتماماتكم ومتابعاتكم الثاقبة للساحة و للشأن العام ….
…
و هذي بالله تعرفوش إسمها ؟
هذي الي صار عليها يتجاوز بمراحل الي عاشتو رفقة الشارني
ملاحقة ، ضرب ، طعنات في البطن ثم الذبح ، أمام أنظار “الجيران” ، نهار العيد الكبير .
كهو وصلنا لل Terminus متع الوحشية.
حبيت نترحم عليها ماريتش برشة تكلمو عليها ، يمكن كان روحت مأخر من سهرية ولا هبطتها كرهبة في راس النهج راهي تصاورها دارت و إسمها تشهر في الحومة ..

يرّانا موتى الكلّ ، نرتاحو و نترتّحو الكوكب و من عليه من انسان و حيوان و جماد و نبات …

العشرية السوداء ….”.

ظهرت المقالة رأي سوسن معالج في التونسي عبر خبرين: رجل يذبح زوجته و فتاة ترقص مع فنان أولاً على أنباء تونس.

وتساءلت معالج في تدوينة على صفحتها الشخصية بموقع “فايس بوك”، مافهمتش اين الغرابة في حكاية كميون البيرة ؟، معتبرة ان اغلبية “التوانسة” ينتهزون مثل هذه الفرص خاصة إذا كانت البضاعة “مجانية”، مرجعة هذه “السلوكيات اللاحضارية” إلى اتساع دائرة الفقر والبطالة.

وحملت تدوينة سوسن معالج انتقادات كبيرة للواقع الاجتماعي والاقتصادي والايديولوجي للمجتمع التونسي على مدى عشر سنوات، وفيما يلي نص التدوينة كاملا:

مافهمتش اين الغرابة في حكاية كميون البيرة ؟

التوانسة اغلبيتهم يموتو ع البوبلاش ، التفتيف و التقحيف و الطمع اصبح رياضة وطنية في ظل انهيار المقدرة الشرائية ، والجعة معروفة منذ سنوات اصبحت آخر معاقل البهجة في البلاد للشيب والشباب على حد السواء

و هذا ليس حكرا على الطبقات المفقرة، الشي هذا مستفحل حتى عند الاغنياء ، عادي يهبط طاولة بمليون و يحسد السارفور في عشرة الاف بوربوار

معروفة الفازة

تقول انت نساء تهز في البيرة؟

وهو ثم مرا ما عندهاش ولدها ولا راجلها يعمل كعبات؟ وهي شكون سند البطال في تونس ؟ مش امو و مرتو؟

وزيد فيبالكم الي ما ثماش تونسي يشرب وما يحبش مرتو تشاركو كي يعمل قعدة في الدار (موش قدام الناس طبعا )

باهي تعرفو قداش من مرا طلقها راجلها خاطرها كبي و عاقلة وما تحبش تعمل جو معاه ولا ما فيبالكمش؟

تقول انت محجبة و تهز في البيرة؟ كل حاجة في بلاصتها، معروفة الفازة، اغلبية التوانسة يسكرو و يصليو ، يجي رمضان يبطلو و يكبو الجبايب يمشيو للتراويح ، يجي العيد نرجعو لا سو لا سوية، ياخي مش هذا مفهوم الاعتدال و الحرية و الكرامة الوطنية الي بعتوهولو و قلتولو من اجلو عملنا ثورة؟

مش هذا النتاج الطبيعي و المنطقي لشعب فقستولو مرارتو بالنموذج التركي السمح المعتدل على مر سنوات من القلوب و حريم السلطان واركيلة و فولارات ودجينات سليم وحجاب شطر لفة عليه ماكياج 6/12؟

هذا هو المشروع الثقافي و الحضاري الي بعتوه للشعب توا عشرة سنين فلاداعي للبهتة اليوم و موش لازم تعملو رواحكم مصدومين ، تنجمو تتصدمو مالجوع الي استفحل في البلاد مثلا ، ولا من التطبيع مع السرقة و مع الحرقة مثلا ، أما بربي ، عرّضتلكم الجاه أخطاونا يعيشكم من نمنامة المرا والراجل مانا جربناها إبان الثورة و ما نجحتش ولن تنجح لسبب بسيط هو كونو الفقر و الميزيريا والكبت و الجوع و الحرمان الكلهم لا جنس لهم”.

ظهرت المقالة سوسن معالج: “مافهمتش أين الغرابة في حكاية كميون البيرة ؟” أولاً على أنباء تونس.

في تدوينة نشرتها مساء الأربعاء 22 سبتمبر 2021 على صفحتها بالفايسبوك، عبرت الممثلة سوسن معالج عن رأيها في الذين رضوا بالحكم المنفرد لمرشد الإخوان الاعلى طيلة 10 سنوات، و اليوم هبوا جميعا خوفا على الديمقراطية. في ما يلي ما دونته:

“عاشوا 10 سنين تحت حكم المرشد الأعلى، الحاكم بأمره شيخ الدجالين الذي أقام دولة داخل الدولة على مرأى و مسمع من الجميع …
بديبلومسيتها ، بعلاقاتها الخارجية و الإقليمية، بتنظيماتها السرية ، بتمويلاتها المشبوهة، و أوجدوا له من التبريرات القانونية و الدستورية إستنادا على مبادئ الديمقراطية و العدالة الإنتقالية و حتى الهبّة الثورية !
هو الذي لم يشارك و زمرته لا في ثورة 17 و لا في ثورة 14، و اليوم بعد أن آلت لغيره، هبّوا فجأة ، خوفا من الديكتاتورية و التفرّد بالسلطة و ما يمكن أن ينجرّ عن ذلك من مخاطر وطنية …..
دروس لغوية في معنى الحرية التي يبدو أن ضدّها في معجم بعضنا ليست العبودية ، بل يضدّها النّفاق
و الوصولية”.

ظهرت المقالة الممثلة سوسن معالج ساخرة: 10 سنوات تحت حكم المرشد الأعلى و اليوم هبوا فجأة خوفا من الدكتاتورية أولاً على أنباء تونس.

الألم أصاب حتى النخاع من يعرف الضحية و من لا يعرف الضحية، رجلا كان أو امرأة، تلك التي قتلها امس الأحد 10 ماي 2021 زوجها رجل الامن بالرصاص، 5 خراطيش في قلبها من سلاح وفرته له الدولة، اسمها رفقة الشارني…

و كتبت الممثلة سوسن معالج مساء اليوم الاثنين 2021 بعبارات قوية، بعبارات ضد هذه العقلية التي تنخر المجتمع. هي معركة مع هذا المجتمع، معركة الماضي المتجدد وهو ينخر، ينخر و ينخر…
في ما يلي، تدوينة سوسن معالج:

“إلي صبرت دارها عمرت – ماهو الا بوصغارك – سامحو ماعادش يعاود – آش قاسيت ماقاسات النساء – ما عنّاش بنات تطلّق – ما يقصدش- مخو مش فوقو – كان ما تعديلوش انت شكون باش يعديلو – تعرفو معصاب – بطبيعتو حروجي – خدمتو صعيبة – عندو مشاكل في الخدمة – توقف راجلك قدام الحاكم ؟ – آش يقولو علينا الناس – شكون بيك مطلقة بصغير – وسّع بالك تو يتبدّل- أحقرو تو يكبر و يتهدّ – المجتمع ما يرحمش – ما توصّلش روحك – أغزر لبوك – أغزر لحموك – أغزر لولدك – هذاكا إلي مازال – انت آش عملت باش ضربك ؟ – إنت آش قلتلو باش وصل ضربك ؟ – برا روّح تو نعيّطولو –
سكتت و صبرت و روحت كلات خمسة كراطش في قلبها ….
#رفقة_الشارني

اليوم رفقة غدوة أختك

اليوم رفقة غدوة بنتك

عقليتكم قاتلة طبق القانون”.

ظهرت المقالة في حملة الغضب على اثر مصرع رفقة الشارني على يد زوجها الأمني، سوسن معالج تثور على طريقتها أولاً على أنباء تونس.

بعد رفضها حضور تظاهرة فنية تحت اشراف رئيس الحكومة هشام المشيشي، بمناسبة اليوم العالمي للمراة، يوم الإثنين 8 مارس 2021، قامت الفنانة القديرة سوسن معالج، من خلال صفحتها في شبكة التواصل الاجتماعي، بوضع النقاط على الحروف.

حيث انتقدت سوسن المعالج السياسة القمعية المنتهجة من قبل رئاسة الحكومة في نسفها لكل الحقوق والحريات باستعمال السلطة المفرطة، و الزج بالشباب في غياهب السجون من أجل تصرفات غير جديرة أصلا بالعقاب أو المحاسبة، مطالبة في نفس الصدد من هشام المشيشي بتقديم استقالته بعد أن استنزف هوية الفنان والمثقف التونسي من خلال البروتوكول الصحي الذي تم تطبيقه على كل المواطنين ما عدى السياسيين التابعين لحزامه السياسي في إشارة إلى حزب النهضة الإسلامي.

نعم لقد طفح الكيل و بلغ السيل الزبى، فهل من مجيب ؟

ظهرت المقالة سوسن معالج تتهم هشام مشيشي بالحكم على الفنانين بالإعدام المهني أولاً على أنباء تونس.

تتواصل حملات المساندة من جميع الاطراف الحقوقية منذ ايقاف الاسبوع الماضي الناشطة في المجتمع المدني رانية العمدوني، عند استنجادها بالأمن لايقاف حملة الهرسلة و التهديد بالقتل التي تتعرض إليها ليقع ايداعها السجن بتهمة التعدي على الاخلاق الحميدة، حيث توجهت الفنانة سوسن معالج هي الأخرى صباح اليوم الاربعاء 3 مارس 2021 عبر تدوينة بصفحات التواصل الاجتماعي فيها نداء استغاثة لانصاف رانيا العمدوني ورد فيها ما يلي:

“Rania Rania Amdouni موقّفة من نهار السبت من أجل “الأخلاق الحميدة ” خاطر في تونس كيف تتسب و تتهرسل و تتهدّد بالقتل وتتعنّف لازمك تقول “مغسي” وتزيد تطلب السماح…

رانيا مختلفة مقاومة و حنينة واحدة من آلاف الشباب الي صدّقو و آمنوا الّي صارت ثورة كرامة و حرية في البلاد …

رانيا جات للدنيا وحدها و كبرت وحدها لا طلعت إرهابية لا سارقة لا مجرمة ، طاحت و قامت وعمرها لا غابت على مظاهرة ولا على احتجاج ولا على مساندة،

ذنب رانيا الوحيد الي هي بنية مختلفة و مارضاتش الظلم وما رضاتش بالذّل في مجتمع مريض مختلّ نفسانيا و عقائديا يقوده نظام جائر يكره الشباب ويكره الحرية و يموت مالاختلاف

رانيا البارح صدرت فيها بطاقة إيداع و غدوة جلستها في ناحية تونس …

نداء إلى المحامين الشرفاء إلى القضاة الشرفاء إلى رئاسة الجمهورية

#سيب_رانيا

#سيب_طاهر

#سيب_عزيز

#أطلقو_سراح_الموقوفين_المشاركين_في_الاحتجاجات

#سيب_الشباب

#سيب_الشباب

#سيب_الشباب”.

ظهرت المقالة الممثلة سوسن معالج تتوجه برسالة الى رئاسة الجمهورية و المحامين و القضاة الشرفاء للافراج عن رانية العمدوني أولاً على أنباء تونس.