“حياتي تقلبت في ليلة و نهار… في بالي حبيت نتقاسم فرحتي بالباك سبور مع الناس.. فرحانة هبطت تصاور و فيديو على صفحتي الشخصية في أنستغرام و انا نشطح بكل عفوية ياخي لقيت برشا تهكم على مواقع التواصل الاجتماعي…انا لبست لبسة عادية متاع باك سبور كيما البنات الكل احنا في بلاد الحريات انا طفلة مانيش متحجبة.. و كأني انا أسأت للدين و أسأت لرمضان بلبستي . حملة متاع تنمر عليا و على بلاصة في بدني و الباجات تبرطاجي و الناس تسب فيا و في والدايا و في خويا المتوفي و ردوني كافرة… 3 ايام مسكرة على روحي نحب ننسى الحكاية ما نخرجش تعبت نفسانيا عايلتي تقلقت و اصحابي… برشا طاقة سلبية و تهكم إلكتروني حتى من بنات كيفي كيفهم شي يبهت.. كيما جاوني مساجات خايبين جاوني مساجات دعم من عند عباد مشهورين كيما سواغ مان كريم الغربي مراد الروج محمد مراد نسيم بورقيبة و برشا شجعوني و تضامنو معايا قالولي سيرين ما تخافش احنا رانا معاك و ما تحط شي في بالك.. ان شاء الله كيما هبطت bac sport validé نهبط اخر العام admise في الباك و نفرح الناس الي يحبوني”، وفق موزاييك.

ظهرت المقالة تعرضت إلى موجة تنمر، سيرين بن عمار تلميذة الباك سبور تحكي لموزاييك: “كأني أسأت للدين أو لرمضان بلبستي” (فيديو) أولاً على أنباء تونس.