” نزهة الخاطر في الروض العاطر…!!!…”

في تعدد الزوجات..
حل لكل الازمات ..!!
تطوال الليلة وتتمغط..
وتولي أربع
ليلات..!!
و الزوجة تتسمى “ضَرُة”..
ويصيروا أربع “ضرُات”..!!
والعركة تصير مستمَرة”..
كل نهار اربع “مَرّات”..!!
وانت تفصلها كل مرة..
وتجني بيها “الحسنات”..!!!
تزول عليك العيشة المُرُة..
وتهنى بفرحة الحياة..!!
واذا تتكسرلك “جَرُة”..
باقيين.. ثلاثة جَرُات..!!!
و”طاهر الحداد” البرُة..
“يتڨفڨف” في ليل الڨرة..
“برا لا يرحم من قرُى “..؟؟
حلفنا عليه البرا يبات؟؟!!
..وتخف علينا البطالة..
وما تخدم كان “الرُجُالة”..!!
و”النسوة “عبُي بالبالة..
كرفت ع “الحَريم”وهات..؟؟
..وفي الاراضي التونسية..
تزول علينا “العُنوسية”..
وهاك”الأحوال الشخصية”
نرموها في المهملات..!!!
اسأل كان على الشهرية ..
وطالب بأربع شهريات..؟!!

في تعدد الزوجات
حل……. لكل الازمات..!!!

ظهرت المقالة نائب شعب يدعو بكل قواه لتعدد الزوجات، لزهر الضاوي متهكما يرد عليه… (فيديو) أولاً على أنباء تونس.