“اليوم، الموت يخطف طفل الـ 11 سنة بعد ما عضه مؤخرا كلب مسعور.. و القيروان “حزينة الليلة”،
و عن التفاصيل:
“ليلة حزينة برشة في معتمدية بوحجلة من ولاية القيروان بعد ما فارق الحياة طفل صغير، عمره ما فاتش الـ 11 سنة، بسبب داء الكلب”.

“الحكاية بدات عندها أسابيع، وقت اللي عضه كلب يشكوا اللي هو “مكلوب”. المسكين العضة جاته في وجهه، وهذا اللي خلى حالته تدهور بسرعة وتصعب على الطبة. رغم اللي قبلوه في قسم الإنعاش بسبيطار ابن الجزار وعملوله اللازم، والتحاليل في معهد باستور أكدت المرض، لكن المكتوب كان أسرع.

الناس الكل في الجهة فادة وداخلة فيها غولة، والوجيعة كبيرة.. الكلاب السايبة ولات خطر يهدد في صغارنا في كل تركينة. العباد تنادي وتصيح: “يا مسؤولين شوفولنا حل! وقتاش باش تاقف هالمآسي؟ لازم حملات تلقيح وكنترول صحي صحيح باش ما نزيدوش نخسروا أرواح بريئة أخرى”.
ربي يرحمه وينعمه، وإن شاء الله يكون * آخر الأحزان”.
آخر الأخبار تؤكد أن “بعد الكشف السريري الدقيق تبينت إصابته بالتهاب السحايا الذي طال الأغشية المخاطية المحيطة بالدماغ”.

ظهرت المقالة بوحجلة- القيروان : بعد أيام من تعرضه لعضة كلب، وفاة طفل ال11 ربيعا أولاً على أنباء تونس.