“العقود متع النفط و الموارد الطبيعية متع البلاد ما هيش لعبة و ما لازمش تكون محل إشاعات أو تنبؤات أو عمليات ثلب أو تحليلات أو تجاذبات هامشية!؟! ما هيش مسيبة هكاكة راهي بش بجرة قلم تجي تفسخ تعهدات و إرتباطات و عقود مبرمة؟!!! يزيو راكم البلاد هتكتوها!!!
إنتاجنا متع البترول و الغاز تراجع، إنتاج الفسفاط نفس الشي، إنتاجات حيوية خسرتهم تونس من جراء العبث و الكذب و الإفتراءات و الأراجيف و الجهل و الجهلوت إلي الشبكات الاجتماعية عطاتهم فضاءات يبثو فيها في جهلهم و سمومهم و مصائبهم!!! تونس تضرت و مصالحها تمست هيكليا و علي المدي الطويل من جراء هذه التصرفات الغير مسؤولة!!! إلي تفسخلو عقدو من غير إحترام البنود قالو شنوة سيادة وطنية، يشكي بيك و يعمل بيك قضايا علي المستوي الدولي و إنجم يربحك و إغرمك و يهردك!! و في نفس الوقت تخسر الإستثمار و الإنتاج إلي ماكش قادر عليهم محليا!!! و هذا صارلنا و ما زال إنجم إصيرلنا!! راهي لجان وزارية و حكومية و إدارية تخدم أعوام بش توصل تصحح بإسم البلاد و هذا الكل بالرجوع للقوانين و التشريعات و الدراسات و القراءات و المراجعات!! كل شي إنشكو فيه؟! كل شي إنشلكوه في البلاد؟؟!
البترول راهو علم، موش أي جاهل إنجم يحكي عليه!؟! و الملح عمرو ما كان ثروة نادرة أو ثمينة جدا أو محل تجاذبات او حروب!؟! فين فما البحر، فما الملح، في العالم الكل!! يزيو من البهامة و من الجهل و التجهيل!!
بلاد مشات و أعوام و نحنا إنقاسيو و إنخلصو في تداعيات الحماقات و الهم و العبث!!! إلي متي هذا القرف؟؟!! ياخي
ما وفاش الحضيض؟! ما زالنا نحفرو؟!! ملا عمق و ملا هوامش متع حفران طلعو عنا في هالبلاد!!؟!…”.

ظهرت المقالة راجت أخبار حول مراجعة عقود النفط، الخبير الاقتصادي معز الجودي على الخط أولاً على أنباء تونس.