رباب الماجري ولدت سنة 1990هي ممثلة اعتزلت الفن عن طواعية منذ سنة 2010 لتكمل دراستها وتتخرج طبيبة تجميل بتونس العاصمة،كما تحصلت على لقب ملكة جمال تونس في السنة ذاتها، تمتلك رباب الماجري شركة استيراد وتصدير في المعدات و الأدوات الطبية وهي سيدة أعمال لها مركزها الطبي الخاص .

وفي تدوينة نشرتها على صفحتها الشخصية بموقع “فايس بوك ” بتاريخ 27 ماي الجاري كشفت رباب الماجري عن معاناتها مع الفقر وعن قصة نجاحها وقالت “أنا طبيبة تجميل واملك حاليا مصحة أي clinique في تونس…”

واضافت “درست وثابرت وقررت النجاح في مسيرتي وهناك من مد لي يد العون وساهم معي ب 30٪ في مشروعي و انا أكملت 70٪…”، مفيدة بأن علاقة حب جمعتها بمنشط معروف قائلة “عرفتو و انا صغيرة كان يجي لدارنا و يفطر و يتعشى و امي تغسللو حتى حوايجو و قلي بطل التمثيل بطلت على خاطرو.. مبعد استعار مني قلي ببرشا حقرة كيفاش بش نجي نخطبك و نجيب اصحابي مالتلفزة لداركم و هي هكا.. ما نسامحوش لين نموت”.

وتابعت رباب الماجري حديثها بان نفس الشخص اتصل بها بعد ظهورها في برنامج “فكرة سامي الفهري” وأنه تسائل عن سبب امتناعها عن ذكر اسمه خلال البرنامج”، مردفة “انا الدار الي كان كاريها شريتها بفلوسي كنوع من الانتقام و قبل كان يعرفني ناخو الكار و كي شافني بعد سنين شافني في مرسديس..”.

وكتبت رباب “و على نياتكم ترزقون.. مش النية الكاذبة الي توريها للعباد اما النية الحقيقية الي قلبك، و ما يعرفها كان ربي.. انا ما نحبش نظهر في التلفزة خاطر مانيش ممثلة اش مثلت انا في كرياري مثلت درجين برك”.

ومنذ تصريح الماجري بخصوص هذا المنشط المعروف اتجهت اصابع الاتهام إلى الاعلامي سمير الوافي الذي اقر في برنامج “فكرة سامي الفهري” بوجود علاقة سابقة بينهما لكنه في المقابل نفى ان يكون هو المقصود في تصريحاتها الأخيرة

وقال الوافي في وقت من الأوقات جمعتني علاقة بيها وكانت coup de foudre.. و مكتوب تفارقنا من وقتها هي اتصلت بيا كان بعد حلقتها في فكرة سامي.. انا ما عنديش رقمها.. انا في العادة ما نحكيش على حياتي الشخصية ولا نسمي وحدة كنت في علاقة معاها هذا في طبيعتي اما ما وصلت حكيت عليها اليوم كان كي عرفت الي ما يقلقهاش..هي قالت ممثل حقرني و تخلى عليا و هوما يقولو سمير الوافي راس الهم دادا عيشة تي انا في الوقت هذاكا دارنا ظروفنا أقل حتى من ظروف رباب و من بيئة ريفية و حتى في طبيعتي مانيش حڨار و مش انا الي تقصد فيه رباب الماجري “.

يشار إلى ان رباب الماجري تتعرض منذ عودة ظهورها الاعلامي الاخير إلى العديد من الانتقادات ومنها نشرها لفيديوهات عن حياتها الشخصية بعد أداء العديد من المرات مثلما صرحت لمناسك العمرة واخرها الفيديو المصور في إحدى الملاهي وهي رفقة حافظ الطياشي المعروف ب “الباباراتزي” في برنامج فكرة سامي الفهري وهما يرقصان في لحظات تعتبر “حميمية”.

ظهرت المقالة من فتاة فقيرة إلى سيدة أعمال مثيرة للجدل..رباب الماجري أو “سنية بنت الفلاح”: ” وعلى نياتكم ترزقون ” (صور) أولاً على أنباء تونس.