“عام يا خوي وهوما حابسينك، عام وأنا نعيش الوجيعة متاع ظلم ما تستحقّوش لا إنت لا عايلتنا. أما بالرغم من الجدران والحديد، تبقى ديما حرّ في روحي وفي بالي

إنت راجل ما يتعاوّضش: صادق في كلامك، نضيف في نيتك، ديما واقف مع الحق وما تخاف كان من ربي. كل خصلة فيك اليوم ولّت عنوان فخر لينا، وكل يوم يمشي يخلّيني نزيد نآمن اللي الراجل ما يتهزّش بالسلاسل

عام من الغياب، أما وجودك حاضر في كل لحظة، في ضحكة أمّنا، في دمعة بابانا، وفي دعواتنا ليل ونهار

يا خويا… ما سجنوك كان في بلاصة ضيّقة، أما في قلوبنا إنت أكبر من الدنيا الكل. والنهار اللي تخرج فيه، تخرج كي الفاتح، مرفوع الراس، شامخ كيف العادة”…:…

ظهرت المقالة قيس الزمال يكتب عن ولأخيه عياشي، المرشح لرئاسية 6 أكتوبر 2024 في السجن منذ سنة أولاً على أنباء تونس.