قال نيوسوم في تصريح لشبكة “ام اس ان بي سي” الأحد “هيا، أوقِفوني”، ردا على إعلان كبير مستشاري ترامب لشؤون الهجرة ومهدنس سياسات الطرد الجماعي للمهاجرين المخالفين لأنظمة الإقامة توم هومان نيته لذلك.
وردا على سؤال طرحه عليه صحفي لدى وصوله إلى البيت الأبيض، الإثنين، قال الرئيس الأميركي “لفعلت ذلك لو كنت توم هومان، أعتقد أن ذلك سيكون أمرا رائعا”.
وتابع ترامب متحدثا عن الحاكم الديموقراطي لكاليفورنيا غافين نيوسوم “إنه يؤدي عملا فظيعا”.
ورد غافين نيوسوم بحدة في منشور على إكس جاء فيه “رئيس الولايات المتحدة دعا للتو إلى توقيف حاكم في منصبه.. هذا خط لا يمكن تجاوزه” منددا بما اعتبره “خطوة لا يمكن انكارها نحو الاستبداد”.
وفي الأيام الأخيرة ضاعف ترامب انتقاداته لنيوسوم الذي يعد مرشحا محتملا عن الحزب الديموقراطي للانتخابات الرئاسية للعام 2028، في حين تشهد لوس أنجليس مواجهات بين قوات الأمن ومتظاهرين معارضين لسياسات الحكومة في ملف الهجرة.
وأمر ترامب بنشر الحرس الوطني في كاليفورنيا خلافا لإرادة حاكمها.
وتتم الاستعانة عادة بالحرس الوطني (وهو جيش احتياطي) لدى وقوع كوارث طبيعية على غرار حرائق لوس أنجليس، وأحيانا في حالات الاضطرابات المدنية، لكن ذلك يقترن إجمالا بموافقة المسؤولين المحليين..
المصدر: أ. ف. ب

ظهرت المقالة رد حاكم كاليفورنيا على تصريح ترامب بخصوص ازاحته من مهامه غير “المستبعدة” أولاً على أنباء تونس.

“هذا علاش العرب قعدوا متخلفين و مستضعفين، و الغرب طائر بينا طيران، من جميع النواحي.

“الغرب يقرا و يخدم، يبحث و يتطور، ينتج و يتقدم، و بقوته العلمية و الاقتصادية و التكنولوجية و العسكرية، يهيمن، و يستعمر، و يسيطر.

“العرب… يتبعوا الخرافات، و يدعيو على الغرب بالدمار، و يفرحوا بالكوارث الطبيعية على أساس عقاب إلهي، و في نفس الوقت يكركروا و يبهاموا، يزدادون تخلفا و ضعفا، و يوليو عرضة لأكثر هيمنة و استغلال و استعمار.

“الخرافات ماهيش الدين. الخرافات هي تخيلات شعبية، ساعات يلصقوها في الدين. حتى شيء في الدين ما يقول أن حرائق كاليفورنيا (أو غيرها) هي عقوبة إلهية، لكن قناعة الناس بالفكرة يكسبها طابع المعتقد الديني الراسخ، اللي ما يقبلش النقاش.

“قل لهم علاش كاليفورنيا موش تل أبيب ؟
ما ندروش.
“قل لهم علاش كاليفورنيا بالذات، أكثر ولاية أمريكية فيها تحركات مساندة للقضية ؟
ما ندروش.

“و هذا موش جديد. في تسونامي 2004، ماتوا أكثر من 200 ألف شخص، خاصة في أندونيسيا. مسلمين. مئات ملايين العرب كانوا مقتنعين بنظرية العقاب الإلهي. علاش ؟ لقاو لها تخريجة : خاطر فمة برشة “شذوذ” غادي.

“و علاش موش إسرائيل ؟
حكمة ربي.
ايه هاك فهمتها حكمة ربي كي عاقب أندونيسيا، شبيك ما فهمتهاش كي ما عاقبش إسرائيل ؟
أكهو، حكمة ربي.

العرب يسخايلوا ربي كيفهم، يغضب من “الشذوذ” أكثر من اللي يغضب من الظلم و الإجرام و الاستعمار و غيرهم من الفضائع، و يسمع بفيلم أمريكي مسيء للرسول، يمشي يحرق سفارة ألمانيا.

“حتى في الغرب فمة برشة ناس متدينين، من جميع المعتقدات و الطوائف، لكن الحياة العامة يحكمها العقل، و الواقع، و خاصة : العلم.
“الخرافات حدها قصص الأطفال، و الاستثناءات قليلة جدا. أنصار نظريات المؤامرة و الأرض المسطحة و مشتقاتهم من البهامة المعلبة يقعدوا أقلية، و موضوع مسخرة.

“و النتيجة واضحة: استعمار و إبادة بشعة على المباشر قدام العالم، و العرب يتفرجوا. آخرتهم يعيطوا شوية و ما يوصلوا لشيء، و برشة منهم شركاء في الجريمة و خيانتهم واضحة للعيان، مع سابق القصد و الإصرار.
“و هانا نتشمتو في أكثر ناس وقفت معانا، و نبوسو في يدين الخونة و شركاء المجرمين.

أ”غلبية الصور و الفيديوات اللي ننشرو فيها باش نتشمتو مفبركة، مخدومة بالذكاء الاصطناعي، متاع الغرب. ولاية كاليفورنيا هي خامس أقوى كيان اقتصادي في العالم، و مهد الشركات العملاقة اللي تتحكم تقريبا في عقول الإنسانية توة، و اللي قاعدين نحكيو مع بعضنا و نتشمتو من خلال منتوجاتها، اللي ولات حياتنا مستحيلة من غيرها.
“ما فماش منظر أكثر سخافة و إثارة للإزدراء من عربي يتشمت في بلاد السيليكون فالي :
via Facebook for iPhone.

“غزة تقريبا تفسخت من الخريطة، و القضية في طريق التصفية، بلدان العرب الكل تقريبا يحكموا فيها طغاة، أغلبهم خونة و ظالمين و سراق، يقودوا فيها نحو المزيد من الضعف و التخلف، إلا من رحم ربك، و عطاه البترول. و هاذوكم أول ناس خانوا و باعوا كل شيء.

“نخدمو ؟ نتطورو ؟ نثورو ؟
لا، نتشمتو، و نقنعو رواحنا اللي ربي تو يخلص كل شيء.

“قل لهم هيا نبدلو عقلياتنا، هيا نخممو، هيا نصلحو ؟
لا خويا، أحنا هكة، و نحبو نقعدو هكة. عندنا خصوصية، عندنا معتقدات، عندنا تاريخ، و عادات و تقاليد، نحبو نقعدو هكة. إنتي مفتون بالغرب ولا يخلصوا فيك ولا عميل، أحنا فخورين بتخلفنا و ضعفنا و بهامتنا، و نحبو نقعدو هكة.

“مستحيل يتحسن حال أمة ترفض التطور. باش نقعدو في الحضيض، حتى يجي نهار و نقررو أننا نتبدلو. و كان صدقني ربي، حتى ربي قال هكة… أما نحنا ما نحبوش”.

ظهرت المقالة حول تداول عبارات الشماتة بقوة في حريق كاليفورنيا، هيثم المكي يكتب… أولاً على أنباء تونس.