و والده طريح الفراش، نشر مراد النوري، لاجئ سياسي سابق بفرنسا، على حسابه الفايسبوكي جزءا من التاريخ ليعود بنا الى سنة 2013 و ما دار بين والده الاستاذ المحامي محمد النوري و راشد الغنوشي، رئيس النهضة، الحركة الاسلامية.

و في ما يلي ما دونه مراد النوري رواية عن والده أحد مؤسسي حركة 18 أكتوبر، الرجل الذي يعرف جيدا قياديي الحركة و كشف عن فضائح النهضاويين بالمهجر:

“في 2013 جاء الغنوشي لوالدي الأستاذ محمد النوري ربي يشفيه و قالو يا أستاذ قررنا بش نحطوك على رأس هيئة الحقيقة و الكرامة .قالو ومتع شنية هاذي ؟ قالو عملناها بش نعوضو بيها لولادنا . قالو و شكون بش يدفع الفلوس؟ قالو الدولة . قالو و الدولة اش دخلها تعوضلهم !؟ هاذم اولادكم اعطوهم انتم من فلوسكم سمعت أنو عندكم برشة فلوس البرة ربحتوهم كي كانو هوما في الحبس و تعذبو .هاذي فرصة بش تعوضولهم و زيد فاش قام هيئة و دولاب و مصروف زايد و الأهم من هذا هو دعاء الشر و ضياع الوقت و يزي ما سمسرتو بيهم و لي يحب تعويض يمشي للمحكمة و زيد انتوما الكبارات في الحزب ماكم تعوضتو تحت حس مس بعناوين متعددة و آخرهم منصف بن سالم و أنا كنت محاميه و ربحتلو حكم من المحكمة الإدارية فيه تعويض على سنوات التدريس بالجامعة كي طردو الوزير محمد الشرفي بعد ما تعارك مع بن علي و حكمولو بقريب المليار عام 2009 ويمكن حتى تعوض وقت بن علي خاتر الحكم جبتهولو في عهدو وقتلو برا نفذو و كي تقبض ايجا خلصني في اتعابي وراني لليوم مازلت ما خلصتش و السماح و موش هذا أول واحد بل و أنت تعرف أنو قياداتكم الكل دافعت عليها و مليم واحد ما خذيتوش فمذابيك انسى الحكاية هاذي متع الهيئة وراهو المنصب هذا موش بش تخلصوني بيه و لي يناضل ما يلزموش يخلص ماكانشي يولي اسمو ارتزاق موش نضال . و راهي الهيئة لي ناوين تعملوها بش تكون مشروع فتنة في البلاد و بش تخليو جرح عميق يقسم الشعب التونسي و يمكن ينتج عنها ثورة تطيح بحكمكم خاصة كان جات اعوام قحط لأن الشعب ما يقبلش انو يعوض فئة قال شنوا على نضالها و هذا عيب .
فبهت الذي كفر و قال له يا أستاذ حبينا نكافؤوك و نكرموك بالمنصب هذا وأنت ترفض . قالو هاذي هدية مسمومة و أنا محامي اكثر من اربعين عام و لا اقبل انو آخر عمري نولي قاضي و نطبق قانون عملتوه وحدكم و على مقاسكم و ربي يحاسبني على ظلم كبير نهار آخر . وكان فما تكريم هو أنو الشعب ما يدعيش عليا بالشر نهار آخر و يكون ضميري مرتاح”.

ظهرت المقالة مراد النوري ينشر ورقة من التاريخ… للتاريخ: هذا ما دار بين الوالد الأستاذ النوري و الغنوشي و… “الهدية المسمومة” أولاً على أنباء تونس.

وفق مصادر متطابقة، أعلن محمد النوري ظهر اليوم السبت 31 جويلية 2021 عن استقالته من مجلس شورى النهضة.

و عن الاسباب، لم يكن محمد النوري متوافقا مع عبد الكريم الهاروني رئيس مجلس شورى النهضة الذي قرر الغاء،اجتماع شورى الحركة. و وفق ما اكده محمد النوري للإعلام، الهاروني “مصرّ على تحويل مكتب المجلس إلى لجنة وظيفية تابعة للقيادة التنفيذية ومنصاعة لأوامرها”.

ظهرت المقالة محمد النوري يستقيل من مكتب شورى النهضة (الأسباب) أولاً على أنباء تونس.