لحظات بعد تصريح المحكمة الابتدائية بسيدي بوزيد بالحكم القاضي ببراءة الشيخ فاروق الزريبي مدير و صاحب المدرسة القرآنية و غير القانونية بالرقاب أين وقع اغتصاب الأطفال و دمغجة الشباب، سارع سيف الدين مخلوف بالاعلان عن الحدث مساء أمس الجمعة 9 اكتوبر 2020 في تجوينة فايسبوكية ذيلها بجملة فيها اتهام الاعلامي حمزة البلومي بفبركة الموضوع شماتة في حفظة القرآن، تهمة خطيرة… اذ تعرض المعني بالأمر للخطر.

و فعلا، بالرجوع الى التدوينة و التعاليق المنشورة من أنصار المحصن مخلوف و آل مخلوف و تابعي مخلوف و من معه من بني روابط حماية الثورة و غيرهم من المندسين، تصبح السلامة الجسدية للاعلامي البلومي غير مضمونة.

و في ظل هذا المشهد المزري من جميع ما، رد حمزة البلومي صباح اليوم بما يجب رده: التجاهل و عدم الاستغراب اليوم حتى و لو تم الافراج عن الإرهابيين المساجين … :

“من مدة لا عاد نعلق على هبلاتو ولا على سبانو… زايد.. وباش انكمل هكا.. هو وامثالو آخر حاجة نضيع فيها وقتي.. والاسباب واضحة.. دولة اللي فيها نصير الارهابيين اللي يقول لقاضي التحقيق كانك راجل أهبطلي يولي نائب وعندو حصانة، اللي الارهابي اللي هو دافع عليه فجر روحو قدام سفارة أمريكيا واستشهد في العملية أمني. دولة اللي عشرات الصغار خرجوهم من القراية و دمغجولهم امخاخهم وزوز منهم أثبت القضاء اغتصابهم من معلميهم في معسكر الرقاب.. الدولة هذي ما عادش نتفاجئ بشيء فيها حتى لو كان تخرج الارهابيين من الحبوسات. والدولة هذي عندو الحق فيها نائب الارهاب يسبني وكي العادة يدعي أني ضد الدين والاسلام والقرآن وغيرو وحتى حد ما يكلمو. هو وامثالو آخر اهتماماتي.. خدمنا ومازلنا باش نخدمو ونكشفو خوركم للتوانسة. وبيناتنا التوانسة اما الباقي مبروك عليكم بما أنكم في السلطة نعرف اللي باش تعملو اللي تحبو : دخلو للحبس اللي تحبو وخرجو منو اللي تحبو !

تنويه : طبعا نعرف قوة ذبابهم الالكتروني الازرق. شيخو رواحكم”.

ظهرت المقالة بعد الافراج عن مدير مدرسة الرقاب، سيف الدين مخلوف يحاول استفزاز حمزة البلومي الذي… تجاهله أولاً على أنباء تونس.