“نهاركم زين ، تفرجت كيف الناس الكل في برنامج تعدى فيه عمي منصف عبلة يحكي فيه على الوضعية المادية متاعو ولي ينجم يكون قالو وهو مورالو طايح بسبب المرض. مانيش باش نعلق على الكلام الي قالو يقعد عمي ربي يشفيه وربي يعلم شنوا العايلة عملت وقاعدين يعملو معاه والله على ما أقول شهيد، وفي لخر هذي الكل مشاكل عايلية. نحب نحكي على مقدم البرنامج إلي يستغل في ضعف منصف عبلة باش يعمل حلقة ناجحة على ظهر عايلة كاملة، باهي هاك عملت إلي حبيت عليه وشوهت عايلة كاملة بالكذب وتسبينا الكل كبير وصغير. أقل حاجة يا صحفي تسمع الناس الي جبدت عليهم وتفهم الموضوع من الزوايا الكل وبعد تصفي وتغربل وتقرر شنوا تعدي وشنوا متعديش ، وإنت تعرف الي لازمك تعمل هكا أما خيرت إنك تلحلح بمنصف عبلة باش يتعدى معاك على أساس باش تعاونو وإنت نيتك ماهيش صافية تحب تخرب الديار ، برافو هاك عملت نسبة مشاهدة كبيرة أما جبت السبان لبرشة ناس تظلمو ،حتى ولد منصف عبلة معادش تحب تهز عليه التلفون بعد ما صورت وروحت وضميرك خليتو في الستوديو ، الظلم ظلمات نهار آخر، توفا الحكاية والناس تنسى أما العايلة لكل مهيش باش تنسى إلي عملتو، الحساب موش في الستوديو الحساب قدام ربي نهار آخر والسلام عليكم”.

ظهرت المقالة مريم نورالدين لنوفل الورتاني: “انك اتلحلح بعم منصف عبلة باش يتعدى عندك على ساس باش تعاونو، اما شوهت عائلة كاملة بالكذب…” أولاً على أنباء تونس.