“عماد دبّور ، مثقف ودكتور … وشخص له زاد معرفيّ وأكاديميّ …
عماد دبّور مُحاور لأكبر وأرقى الشخصيات الفنيّة العربية وحتى العالمية منها …
نهار إلي خرج على النمطيّة المقيتة دارو عليه الكل … شخصيا فرحت كي شفت إنو عندنا إعلامي Cool وقادر يخلق جو من المرح فوق أي ركح …
كي نتفرجوا على الحفلات العالمية في امريكا وكندا وحتى في دبي … نقول واو محلاه المنشط وقداه خفيف الظل وخفيف الروح وفدلاك … اما كي نشوفو حاجة عندنا نوليو نتقلقو ونخرجو موروثنا النمطي …
خليو العباد تفرح ، خليو العباد تشيخ …
يزيو من لغة العباد تاعبة … مخاخهم هي إلي تاعبة مش العباد …”.

ظهرت المقالة دافع عن المثقف عماد دبور الإنسان لعد رقصة على ركح قرطاج، الجامعي معاذ بن نصير يتعرض الى هجمة شرسة (فيديو) أولاً على أنباء تونس.

هي التيكتوكر التي لم يسعفها الحظ لتواصل دراستها و تنجح على غرار مثيلاتها و قد قالت في الومضة الاشهارية ب”عضمة لسانها” معتبرة بأنها لم تكن تلميذة نجيبة بالمرة: “قريت حتى السنة التاسعة ومعدلي كان 3. وتوة وصلت دخلت في ساعة واحدة 20 مليون”. و أضافت ضحى العريبي بأنها كانت قد اشتغلت في محل لبيع المرطبات براتب 200 دينار شهريا.

الومضة الاشهارية لبرنامج هادي زعيم كان لها وقع كبير على المشاهدين، البعض يصفق لنجاح بنت قابس و الآخر مستاء لأن مرور الضيفة في هذا التوقيت بالذات، في توقيت الامتحانات، و الحديث عن نجاحها و ثرائها السهل رغم أنها لم تزاول تعليمها، غير بريء أو على الأقل فيه سهو كبير… و تداعيات سلبية على التلاميذ…

معاذ بن نصير الاستاذ و الباحث الاجتماعي يرد لا عليها صباح اليوم لكن رده من صنعوا لها الشهرة، على رواد صفحات التواصل الاجتماعي بالفايسبوك و على الانتهازيين…، و نشر معاذ بن نصير ما يلي

“تعليقي حول تصريح المسماة ضحى العريبي :
انك تخرج في التلفزة وتحكي وتقول راني جبت معدل 3 وهاك علاه بطلت القراية مالتاسعة وتو ندخل في عشرين مليون في الساعة …
ماهياش حاجة واو وتخلينا نكونو منبهرين بانجازاتك وإلي أعظمها تجيب راجلك معاك في فيديو وتبدى تقشتل فيه وتعاود، وإلا تحطو قدامك وتبدى تسخسخ فيه وهو عامل جو …
نتخيّل المرى التونسية عملت انجازات أعظم من هكة ببرشا ، المرى المش قارية والقارية على حدّ السواء ، المرى التونسية إلي لقيناها في أكبر المناصب الوطنية والعالمية.
مانيش نلوم فيك بقدر لومي لبعض من هالشعب (وإلي أنا ننتمي ليه) إلي خلق منك شخصية أما ورقية للأسف قابلة للتلف في كل وقت ، هالشعب الفاضي شغل ويدخل يتفرج فيك كيفاه تكوّر براجلك جيست باش يضيع شوية وقت ، هالشعب إلي يعيش فراغ نفسي واجتماعي ماهوش لاقي ما يعمل هاك علاه عايش معاك …
لو كان جا عندنا شعب واعي شوية ، نأكدلك لا إنت ولا غيرك تتكاثروا …”.

فيديو

ظهرت المقالة التيكتوكر ضحى العريبي تثير الجدل قبل حتى مرورها مع هادي زعيم : ما قول الباحث في علم الاجتماع معاذ بن نصير؟ (فيديو) أولاً على أنباء تونس.

“- مليون منقطع عن الدراسة منذ سنة 2010.

– من 2011 إلى يومنا هذا التلامذة أربع سنين ما قراوش ، 2011 ، 2015 النجاح الالي متاع جلول ، 2020 و 2021 كورونا ، دونك ما يقراوش راهم في الشارع بحكم الوالدين يخدموا.

“- الجيل إلي تربى على منسوب مرتفع من العنف تستنى منو كل شي ، الجيل الي مدمن الالعاب الالكترونية متاع القتل و الدم و العنف كما فري فاير و مشتقاتها تستنى منو كل شي ، خاطر هو تو حاضر نفسيا للعنف على ارض الواقع.

“- الجيل إلي تربى في فراغ نفسي و اجتماعي و تربوي ، الجيل إلي تراجع دور الاولياء في عملية التربية ، الجيل الي والديهم يجريو نهار كامل باش يخدمو و يعيشو بحكم الدنيا صعيبة عاللخر شنو تستنى منو.

“- الصغار هاذم ضحية العالم المحلول و ضحية الانترنيت و ضحية الشبكة الكبيرة الي تخليه يشوف كل شيء و هو قاعد في الدار و يتأثر بيهم.

“-المراهقين كي ينخرطوا في المجموعة يوليو يتأثروا بالسلوك الجمعي و هذا ما يسمى notion d’appartenance و ابسط مثال العنف في الملاعب ، تلقاه الطفل خاطيه يدخل للستاد يتأثر بالمجموعة يولي يصيح و يعيط و يسب …

“- نفسانيا و سلوكيا الجيل هذا على عكسنا ، جيل يتمتع بالجراة و التمرّد و عدم الخضوع ، و ما ينجم حتى تنظيم و الا مؤسسة تستقطبه و هوني نذكر إنو لا مؤسسة العائلة و لا مؤسسة المدرسة و لا مؤسسة الجمعيات ، و لا التنظيمات الحزبية تنجم تأثر عليه و هاك علاه الاحزاب في تونس فقدت الشباب الكل ولات غير قادرة على إحتوائهم …

“- الجيل هذا عاش في عشرة سنين من وضعية اجتماعية صعيبة و اقتصادية أصعب ، تقلي شنو باش يفهم فيها ، نقلك راهو الادراك المعرفي يبدى يتكون عند المراهق من سن 12 و يبدي يفهم في المحيط الاجتماعي متاعه ووقتها يعرف إنو في وسط اجتماعي مهمش و فقير و تحت الصفر وقتها تبدى النزعة و النقمة تتكون عندو و هاك علاه في اول فرصة باش يبين تمرده على الواقع متاعه يخرج يجري و يكسر و يحرق …

“- تقلي الوالدين و عندهم كلمة على ولدهم ، نقلك سيدي العزيز المجتمع تو تغير من السلطة الابوية ، نحو السلطة الاموية ، و تو و حاليا نحكيو على سلطة الابناء داخل العائلة ، إيه نعم عندهم سلطة و هوما الي عندهم القرار و هوما الي يختارو وين تمشيو نصيفو و شنو عشاكم و هوما زادة الي يقررو يمشيو يقراو و إلا لا …

“- الأهم من هذا الكل المؤسسات الي كانت عندها طابع القداسة ضربتوها تو على مر عشر سنوات ، المدرسة الي كانت تربي ضربتوها بحملات التشويه و الشيطنة للمربين ، دونك تراجع قيمة المدرسة يقابلها تتطور قيمة الشارع و أحنا نعرفو الشارع شنو فيه و شنو ما فيهش …

هاذي بعض النقاط إلي أطلت فيها شوية ثماشي ما نفهموا شوية الظاهرة …”.

ظهرت المقالة الباحث في علم الاجتماع معاذ بن نصير يكتب: “تحب تعرفوا الأسباب علاه الصغار موجودين في الاحتجاجات” أولاً على أنباء تونس.