يتوجه مهدي غزاي عبر تدوينة نشرها مساء اليوم الأربعاء 21 سبتمبر 2021 على حسابه الخاص بالفايسبوك الى قياديي التيار على خلفية تعاليقهم الرافضة لأوامر الرئيس قيس سعيد الجديدة و الصادرة في الرائد الرسمي حول الدستور و البرلمان و تنظيم السلط و يذكرهم بأن:

“عبو ٬ غازي الشواشي ٬ و غيرهم جاو يقاومو في فساد المنضومة بأدوات المنظومة ياخي جابوهم على برة في 4 أشهر.

على خاطر أنصاف الحلول عمرها ما كانت حل.

هل قيس سعيد بدل اللوجسيال لكل بش ينجم يقضي على الفساد وتوا حد ماعاد ينجم يسرقلو حكومتو ? أم مشروع ديكتاتور ?”.

ظهرت المقالة مهدي غزاي خبير في الاتصال السياسي: “قيس سعيد فهم أنه لا يمكن إصلاح المنظومة من داخل المنظومة” أولاً على أنباء تونس.

مستغربا عدم طرح الموضوع كما يجب من طرف المنصات الاعلامية، يقول مهدي غزاي الخبير في مجال الاتصال أنه سيترك الشكل التقني جانبا و سيتكلم فقط عن جوهر مضمون تصريحات الرئيس سعيد، مساء أمس الثلاثاء 14 سبتمبر 2021، بحضور اعضاء اللجنة العلمية لمنظمة صمود. و جاء ما يلي في تحليله الذي نشره اليوم على حسابه الخاص بالفايسبوك:

“أول مرة بش نتكي التقنيات على جنب و نحكي على جوهر #المضمون خاطر بصراحة استغربت انو جل البلاتوات ما طرحوش الفرضية هذي:

السيد #اللوجيسيال متاعو مغاير تماماً.
و هوني بش ندخل في البولتيك فيكسيون ٬ ما عندي حتى مصدر ٬ فقط حسب ما فهمت من تحليل خطابو :

قيس سعيد ما عادش يحب يغلط غلطة المشيشي. المشيشي إلي كان مستشار في القصر ٬ و في الداخلية وقف للنهضة في التعيينات في حكومة الفخفاخ (حسب شهادة عبو) , المشيشي الوفي إلي الرئيس عطاه أمانة ٬ مشا ترمى في حجر المنظومة بين ليلة و ضحاها.

حسب دستور 2014 , الحكومة مسؤولة أمام #البرلمان.
قيس سعيد ما عادش يحب “تتسرق” الحكومة.

إذاً هو يحب يغير الدستور ( أبارمون بإستفتاء ) و مبعد يحط حكومة على قاعدة مسؤولة قدام رئيس #نظيف و موش كمشة كناطرية و مافيات. (في نفس الوقت صعيب إستفتاء في الدستور الحالي ٬ و لكن السيادة للشعب كيما يقول هو و كيما مكتوب في الدستور )

قيس سعيد يعتمد نفس أسلوب حملتو التفسيرية في خطاباتو , إلي هي موجهة مباشرةً للجمهور (شعب).

يمكن ياسر قيس سعيد ٬ بعد ما قدم دروس في القانون ٬ بش يقدملنا درس في السياسة”.

ظهرت المقالة مهدي غزاي في”تحليل خطاب قيس سعيد و علاش مازال ما حطش حكومة؟” أولاً على أنباء تونس.

في تحليله السياسي حول ما صرح به رئيس الجمهورية مساء الخميس 2 سبتمبر الجاري بخصوص الفاسدين و المارقين عن القانون بحضور ممثلين من المجتمع المدني، كتب مهدي غزاي خبير في الاتصال حول الخطابات الشعبوية التي سقطت في استقصاء المعلومة من التقارير الفايسبوكية المثيرة للجدل. و في ما يلي ما نشره على حسابه الخاص بالفايسبوك، ننقله كما ورد باللغة الدارجة:

“قيس سعيد كذب كل التوقعات في الإنتخابات و جاء لول بإمكانيات متع قهوة كابوسان.

و كانت اللطخة الأولى.

قيس سعيد كذب كل التوقعات في صيفة 2021 ٬ و عملها ٬ طبق ألفصل 80 رغم كلنا كنا نقولو يعرف كان الحشو اللغوي ٬ و عملها.

و كانت اللطخة الثانية.

توا ولينا نقولوا ما عندوش خريطة طريق و ياخو في تقاريوو من الثورة نيوز. هل يزيد لطخة ثالثة و يكذب التوقعات ?

كانكم عل الإقتصاد و رئيس حكومة ٬ الأسواق العالمية تكره حاجة اسمها défaut de payment و ما تحبش تشوف لبنان ثانية.

لكلها حكاية ثقة و نائب رئيس البنك العالمي في تونس ٬ من تصرحاتو تفهم أنو تونس مازالت تحظى بثقتهم.

زعما يعملها ?

Jamais deux sans trois

ينجم راو ما يعرفش قداه تسوا بار حديد و شمعناها مليار. أما إنه الإخشدي”.

ظهرت المقالة مهدي غزاي حول الرئيس سعيد و التوقعات و اللطخات و مرجعية تقاريره الفايسبوكية أولاً على أنباء تونس.

على خلفية التتبعات القضائية بسبب المارقين عن القانون و سلوك المتعصبين و المتهورين و بلطجية البرلمان ممن دمروا البلاد،،، و سلوك بعض من يدافع عليهم باسم حقوق الانسان و حرية التعبير و اعطاء الدروس… يرد مهدي غزاي، الخبير في الاتصال بما يلي على صفحات التواصل الاجتماعي:

“للي يعطيو فينا دروس في الحقوق :

وجب علينا , للمحافظة على الحقوق و الحريات و التسامح داخل المجتمع , أن لا نتسامح مع المتعصبين.

العفاس و مخلوف و غيرهم من كبار سفراء التعصب. الدفاع عنهم هو إلي يهدد الحقوق و الحريات.

خاطر هكاكا طلعت النازية في ألمانيا ٬ لأنهم تسامحو مع اللا متسامحين.

(تنجموا تقراو بحوث الفيلسوف كارل بوبرس إلي حكى بأكثر دقة على الحاجات هذي )

Ne_soyez_pas_les_idiots_utiles_du_systeme”.

ظهرت المقالة مهدي غزاي : “للي يعطيو في دروس في الحقوق”، للمحافظة عليها، وجب عدم التسامح مع المتعصبين أولاً على أنباء تونس.

لحظات بعد انزال النائب ماهر المذيوب، التجمعي المتأخون، تدوينة على صفحات التواصل الاجتماعي رافقها بصورة، جاءت لتكذيب كل الإشاعات التي تم تداولها مساء أمس الخميس 22 جويلية 2021 بخصوص تعكر صحة راشد الغنوشي، رئيس،مجلس النواب/حركة النهضة الاسلامية، قام مهدي غزاي الخبير في الاتصال، صباح اليوم الجمعة بتحليل للصورة في اطارها الزماني و المكاني و السياسي و خاصة منها الصحي و الاجتماعي وهو كالتالي:

“الصورة هذي كلاسكية تنخرط في سياق الصور #لقيادات تاريخية ( مندالا ، غاندي ،..) إلي يتبعو في الشأن العام عن طريق الجريدة الإخبارية الورقية.

و لكن ،

على عكس الصور الاخرين ، إلي نشوفو فيها ماندالا أو غاندي مثلا في وضعية #ديناميكية ، ضهر راشد الغنوشي في وضعية #ستاتيك جامدة ، يديه على الطاولة ، الوجه لا يعبر لا على الفرح لا على القلق لا على #تفاعل أو موقف.

فما محاولة متع دينامكية بال mise en scène متع الفطور و النظرة على الجريدة: و كأن هاجسه هو الوضع العام

ولكن ،

التصويرة جات En plongée ، مما يضع راشد الغنوشي في وضع #ضعف ، مما يتعارض مبدئياً مع الوظيفة متاعو (ديما لفوق في البرلمان و كان تلاحظوا تصاور غاندي أو ماندلا ديما في نفس المستوا أو كونتر بلونجي بش يعطي نوع من العظمة للشخصية المصورة).

الألوان باهتة ، في ديكور بسيط ، في تعارض مع ألوان الجريدة و تعقد وضع البلاد.

و هذا لكل ، كأنه يعبر على #عدم_القدرة (IMPUISSANCE) على تغيير الأوضاع بوحده ، و كيما نجمو نقراو في عنوان الجريدة : كلكم مسؤلون.

Rached Ghannouchi راشد الغنوشي

صحيح أنو المخرج السياسي صعيب برشا و الحوار منقطع ، و لكن الوضع توا فات الحسابات السياسية : إلي صار في العيد إجرام في أرواح التوانسة ، مساندة الحكومة هذي يعني المشاركة في الجريمة، و لذا يجب تحمل المسؤولية و اسقاطها و محاسبتها ، مهما كانت النتائج السياسية و شكون بش يعين و يصوت للحكومات الجاية.
هذا هو ال BON SENS و المنطق و فك عليك من حسابات العطارة للمستشارين متاعك.

السكون و الإبقاء على الوضع كيما هكا ماهوش #حل.

#سلطة_الحوار”

ظهرت المقالة مهدي غزاي في تحليل صورة راشد الغنوشي: هناك تعبير على عدم القدرة على تغيير الأوضاع بوحده أولاً على أنباء تونس.

مهدي غزاي الخبير في الاتصال السياسي يكتب اليوم الأحد على حسابه الخاص بالفايسبوك ما يلي في : “تحليل خطاب TOMMY هيلفيغر :

“جانا سي المشيشي في فيديو جديدة ( فديوات فاسيبوك من أقوى انجازات السلطة التنفيذية في تونس تباركالله ). و الحقيقة كان خطاب غريب برشا في إجتماع في وزارة الصحة :

جزء أول في 3 دق ، رئيس الحكومة مستغرب من الوضع يحكي كمجرد #معلق و ناشط سياسي: كأنو لا علاقة له بهذه الحكومة ، لا بالقرارات إلي تم اتخاذها إلي وصلتنا للوضع هذا ، لا باللجنة العلمية لا بالتخطيط إلي من المفروض يتعمل أشهر لتالي.
مسكين وزير الصحة : بش يمسحو فيه كل شيء.
من #المسؤول ؟
—> وزير الصحة وحده و هانا يا توانسا حزام سياسي و رئيس حكومة مبعضنا بش نطيروه.

الجزء الثاني يقولك لازم نوفرو الأكسجين ، و هوني إستعمال ال”نحن” ، ما عادش ناشط سياسي أكهو ، هوني اصبح TOMMY جزء من الحل ، ثم قدم حلول اخرى تنجمو تقراوها في البيان ، و كي تقراوها تقول ياخي صار هوما لتوا مازالو ما فعلوش حاجات كيما هكا ؟

الحاجة الوحيدة إلي موافقو فيها هي كيما قال: يجب إيقاف #السيرك هذا !

أما يا ذنوبي إلّي فيه طبة عمرها ما تتخبي .

#أزمة_قيادة

#السيركديمايوفا_بكلون”.

ظهرت المقالة مهدي غزاي حول خطاب المشيشي (Tommy هيافيغر): ” باش يمسحو كل شيء في وزير الصحة مسكين ويطيروه” أولاً على أنباء تونس.

أثار مهدي غزاي الخبير في الاتصال اليوم الثلاثاء 11 ماي 2021 موضوع استعمال الكلمات في غير محلها، كلمات لا تسمي الأشياء بأسمائها و لا تشخص حقيقة الواقع… يقول عنها غزاي انها المصطلحات المناساباتية التي تدخل في البروباغندا التي لا تمت للواقع بصلة، سواء على مستوى الرياضة او السياسة او المجتمع….

يعود مهدي غزاي اذا على أهم الأحداث الأخيرة التي شدت انتباهه، بكلماتها بمعانيها و بمصطلحاتها المناساباتية سواء في تونس أو خارج تونس و يفسر ذلك عبر تدوينة نشىرها بالدارجة التونسية على صفحات التواصل الاجتماعي جاء فيها ما يلي:

“علاش إستعمال المصطلحات المناسبة مهم؟ نهار الإربعاء إلي فات ، نتفرج في #الدربي ، نسمع في المعلق يقول “مباراة ممتازة” و “برشا فرص حاسمة” و “كرة مزيانة في مستوى عالي” .

و أنا استغربت بصراحة خاطر حسيتو يحكي على ماتش آخر ، خاطر الدربي إلي نتفرج فيه كلو مخالفات و لعب متقطع و حكم تونسي ضعيف يخاف يعطي أوراق كي العادة و أحسن فرصة تكون مخالفة تتشاط في السماء. كيف كيف ، كي تسمع الناطقة الرسمية بإسم الحكومة ، قاتلك المساحات التجارية الكبرى فرصة للزواولة بش يشريو #أسهم.

استغرب و قلت هل تحكي على نفس البلاد إلي عايشين فيها. كيف كيف ، كي تسمع وسائل إعلام تحكي على وفاة #رفقة_شارني و موش جريمة قتل ، و الناطق بإسم المحكمة الإبتدائية يقول قضية عادية ديما تصير.

هذي هي مشكلتنا ، هي عمرنا ما نسميو الحاجات بإسمها. و كي ما تسميش الحاجات بإسمها ، عمرك ما تنجم تشخص المشكلة و تلقالها حل و تصلحها.

تقعد في سياسة النعامة في إنقطاع تام مع الحقيقة.

#التعتيم هذا في المصطلحات يستعملوه في فرنسا كي يقولو إرهابي على واحد عربي مسلم و فقط “حادث” كي العملية تصير في جامع و يموتو مسلميين.

التعتيم هذا في المصطلحات يستعملوه في إسرائيل كي يقولو إسترجاع الأراضي و موش إحتلال و تهجير الفلسطنيين. التعتيم هذا في المصطلحات هو #حرب_الكلمات تفرضو القوات المهيمنة على الشعوب الضعيفة.

و في تونس، التعتيم هذا في المصطلحات تستعملوا مؤسساتنا ضد الشعب متاعها. و هذا هو التعريف #للبروباغاندا : أما موش في صالح اديولوجية و فلسفة معينة ، و انما البروباغاندا متع #البهامة.

#سلطة_الكلمات”.

ظهرت المقالة مهدي غزاي يتكلم عن “حرب الكلمات و بروباغاندا البهامة و استعمال المصطلحات في غير محلها” أولاً على أنباء تونس.

اليوم الثلاثاء 4 ماي 2021، تأتي المفاجأة من البرلمان و من عبير موسي بالذات حيث ظهرت بخوذة و لباس واقي من الرصاص، هناك من سخر و هناك من تذمر و هناك من دافع عن رئيسة كتلة الدستوري الحر المهددة بالاغتيال في الوقت الذي منع عنها راشد الغنوشي الحماية الأمنية اللصيقة في قبة باردو…

رأي الخبير في الاتصال مهدي غزاي يصب في خانة أخرى، بعيدة كل البعد عن التعليقات الفايسبوكية سواء من رواد صفحات التواصل الاجتماعي او حتى من السياسيين عبر وسائل الاعلام و يكتب ما يلي، و كعادته بالدارجة التونسية و باسلوب السهل الممتنع:

“كفاش تتسمع في زمن الكاكوفونية السياسية و الغباء و جمهورية السيرك ؟

تجي في هفال و مسيرة بالكراهب أو تلبس كاسك في البرلمان ، تولي الناس لكل تحكي عليك ، و كي نحكيو عليك أكثر، يولي الناخب يحبك أكثر. ما تقولوش #عبير طفات برك.

الإعتماد على #الإنحياز_المعرفي Mere-exposure effect وهو ما يسمى #بتأثير التعرض المحض، وهو ظاهرة نفسية توضح ميل الناس لتفضيل الأشياء لمجرد أنهم على دراية بها .

إلي سماك ، غناك. وهذا أول أساس في الإشهار ، و هذاك علاش #تكرار وتكرار إسم المنتوج ، كل ما تزيد تسمعو #أكثر ، كل ما تحس روحك #تحبو وتعرفوا .

المشكلة انو هذي #تقنيات اثبتت أنها فعالة وجذابة وأهوكة علاش كان فما ترمب و كيفو في إيطاليا وبريطانيا.و لكن في الدول هذي فيها مؤسسات قوية تحمي الدولة. أما احنا عنا عصابات تنخر في الدولة…حتى في التلقيح و الحق في الحياة.

السياسة التونسية : أسوء مسلسل رمضاني….وقتاش تجي الحلقة الأخيرة ؟

#سلطة_الحوار #الفوندو_أرحم”.

ظهرت المقالة الخبير في الإتصال مهدي غزاي و الظاهرة عبير و ظهورها وهي تقود مسيرة سيارات أو مرتدية “كاسك” في البرلمان أولاً على أنباء تونس.

على اثر ظهور K2 في برنامج “فكرة سامي الفهري” في سهرية السبت 27 مارس الجاري على قناة الحوار التونسي مع الهادي زعيم، نشر مهدي غزاي، الخبير في الاتصال و التحليل السياسي، الاحد 28 مارس 2021 على حسابه الخاص بالفايسبوك، ما استنتجه بعد متابعته الحلقة المثيرة للجدل (باللغة الدارجة):

“هو المسلسل مازال طويل ، و مازلنا بش نشوفو خطابات اخريين. و لكن ايجا نرجعو على حصة البارح خاطر نجمو نتعلمو برشا حاجات.

برنامج البارح ، تم إعدادو ، في مقاربة #معاكسة تماماً من برنامج #ديما_لباس ، و هوني تكمن خبرة Hedi Zaiem في المجال :

1- ال-EXORDE ، معناها #الدخلة: في ديما لباس كانت فما mise en scène كاملة لإستقبال سي K2rhym €: البساط الأحمر ، و الخشوع و اللبسة و حتى تصويرتو مع #العلم.

البارح ، كانت دخلة أكثر من #عادية ، و أخبرنا سي كريم إلي حتى قهوة ما خذاهاش.

و هذي هي الدخلة : K2RYM في بلاتو #محايد ، موش بش يكون فما رمي ورود و هذا إلي يضفي نوع من #المصداقية أكثر في البرنامج هذا.

2- في ديما لاباس ،كانت زادا عنا 13 دقيقة بين مدح “انجازات” سي كريم K2RYM من قبل مقدم البرنامج و ال VTR إلي حضروهولو بموسيقى مرافقة حربية.

في البرنامج هذا اكتفينا بصورة و جملة : مدرسة و سبيطار في حفوز.

الخبر يكفي ، و الطريقة كانت أكثر #متناسبة مع الشخصية إلي يحب يقدمها سي كريم.

3- في ديما لباس ، بدينا بالبساط الأحمر و التهليل : يا كريم سير سير ، مروراً بال “واو” متع نوفل ، و العادل المنفذ و الصك البنكي إلى أخيراً عودة إلى التهليل في تعاليق #الفاسبوك يا كريم يا رئيس.

المشكلة هوني أنو الحصة لكل تكون على نفس الخط إلى درجة تكون #مملة. كيما في فيلم ما يصير فيه حتى شي و البطل ديما فرحان. ما فماش مصعد عاطفي

البارح ، كانت فما #نقطة_أ ، إلي هي سي كريم ما خذاش قهوة و فقرة كرسي الشوك ، إلي عطاو فرصة للضيف بش يجاوب على الإتهامات لكل ، و وصلنا إلى #نقطة_ب ، إلي هي كرسي الحب ، إلي سي كريم يحل فيها قلبو و يقرب للمشاهد في نوع من الإنسانية و المصداقية ، وصولاً إلى نهاية سعيدة :

المقدم و الضيف بش يمشييو ياخذو قهوة مبعضهم.

سيناريو كامل ، يخليك تاخو #إجابات على الأسئلة متاعك ، تطوي الصفحة ، تكتشف الضيف و تقربلو أكثر و يمكن حتى يكسب #مودتك.

4- نلاحظو حتى تغير في ال-Storytelling متع سي كريم : بعد ما كان يخدم في المرما في أوروبا و هو عمرو 16 سنة ، أصبح توا دبر شوية فلوس من الراب و إستثمر في ال-Bitcoin. #سرد ينجم يكون أكثر مقنع لضبابية نشاط ال-BITCOIN و يمكن يتصدق أكثر.

و إلي عندو ملف غير ذلك ، يتفضل ، و كان هو في موقع سلطة/حكم و عندو واجب التحفض، تنجم تعمل تسريبات في الشروق ولا غيرهم.

سي كريم ربي يزيدو و ربي معاه في إلي يعمل فيه ، مع التحفظ على الشكل ، فما جمعيات و مؤسسات تخدم معاهم و موش نهدو هكاكا ، كيما إلي هدو على المطار. نفس الشيء.

لكن ، يبقى نفس المشكل: خطاب k2rhym لم يكتفي بالخطاب من أجل #العمل_الخيري ، و انما هو خطاب #سياسي بالاساس يعتمد على تقنيات خطاب لتمرير #رسالة_سياسية:

من جهة سي كريم ، #مسكين مضطهد من الأحزاب و الحكومة على خاطر يبني في البلاد ، و من جهة أخرى نخبة من سياسيين و رجال أعمال لكلهم فاسدين و يخدمو ضد الشعب، و هذا هو معنى #الشعبوية السياسية.

يا حسرة على وقت بن علي ، إلي قالك ما كانش كل شي وردي و لكن رجل وطني إلخ إلخ إلخ….

(تنجم تتفضل تسمع الشهادات إلي صارو في هيئة الحقيقة و الكرامة على مدى….الوطنية متاعو ) .

و نختمو بقولة :

الإسم : كريم الغربي

المهنة: ناطق (غير) رسمي لليلى بن علي.

#سلطة_الحوار”.

ظهرت المقالة الخبير في التحليل السياسي مهدي غزاي: K2 في الحوار التونسي، الاسم كريم الغربي، ناطق (غير) رسمي لليلى أولاً على أنباء تونس.

تعرض مهدي غزاي الخبير في الاتصال للتحليل السياسي اليوم الاثنين 22 مارس 2021، خلال مداخلته في برنامج زون ليبر Zone libre على موجات شمس أف أم، الى خطاب عبير موسي و مدى تأثير المرأة في حواراتها السياسية على جميع الفئات.

نجد نفس التحليل و لكن بأكثر التفاصيل حول سلطة الحوار لموسي، على حسابه في صفحات التواصل الاجتماعي، نشره منذ يومين وهو كالتالي:

“تحليل أقوى صانعة محتوى في تونس : السيدة Abir Moussi عبير موسي رئيسة كتلة #الدستوري_الحر.

السيدة #عبير_موسي عملت أكثر من 20k في Live متع ليوم ، أرقام ما تحققهاش برامج تلفزية. و لهذا تسائلت أنا و Ghaya Ben Mbarek شنوا يفسر هذا ؟

1-التجمعات السياسية إلي صارت في منستير و باجة و تحت الخيمة و غيرهم أصبحو بمثابة un #SHOW سياسي: ال Story telling في خدمة العاطفة و ال-Pathos : عبير موسي كانت في عدة أوقات بمثابة #فنانة_مسرحية على الركح تعمل في One Woman Show قدام عباد #تضحك و تصفق.

تحكي على كواليس المجلس ، تقلد في سياسيين ، تمثل في وضعيات ، تتقن في الحركات ، و تتجاوب مع تفاعلات الحاضرين.

و لعل في هذا #أقوى تقنية في الخطاب ، على خاطر كي سياسي #يستعطفك و يضحكك ، يربح العاطفة متاعك و #الثقة متاعك.

و ما ننساوش راو عمليات الإنتخاب تكون ديما قيمة على #عاطفة الناخب ، و موش تفكيرو ، معناها الناخب يختار السياسي إلي يستعطفوو ، ولو انو يعتقد انو فما سياسي آخر مؤهل أكثر في الكفاءات و القيم. .

2- تقنية ال disque rayé و هي #تكرار وتكرار #الرسالة حتى لين تدخل المعلومة Deeply في اذهان المتفرجيين.

مهما كان المكان، مهما كان الموضوع ، كانت فرصة لعبير موسي بش تعاود #تكرر #الرسالة متاعها : “إخراج حركة النهضة من الحكم”.

و هذا خلا إنطباع عند الرأي العام انو الحزب الدستوري الحر هو الحزب الوحيد المنسجم في طرحوا السياسي.

3-التقنيات التواصل #العصرية من خلال الإستعمال المكثف لمواقع التواصل الإجتماعي و خاصةً ال-LIVE فاسبوك.

السيدة عبير تستعمل برشا من #تقنيات les jeux vidéos و حتى تقنيات #اليوتيوبر:

أ – تبدا الفيديو بالتصريح #بالمهمة متع اليوم : احنا في النقطة A و بش نحاولو نعملو هكا و هكا و نوصلو إلى النقطة B. و نلقاو رواحنا نتبعو في الLIVE في حكاية تكون عبير موسي هي #البطلة متاعها ، و أقوى من السينما 3D ، نلقاو رواحنا نعيشو الساعات لكل في ثوب ال-“الأنا” ، و كأنا احنا نكتشفو في المجلس و أماكن عمرنا ما شفناها ، و نتعرضو احنا إلى المضياقات إلي تتعرضلهم عبير ، إلي يخلينا نتعاطفو معاها مهما كانت المهمة.

هذي التقنية تتمكنك من خلق نوع من #الخداع_البصري إلي يولد نظرة منحازة للمشهد !

ب- اليتيوبر بش يكبر في عدد متابعيه ، يعمل des #feat مع يتيووبر اخريين ، و عبير ديما نلقاوها في des live متقاطعين مع ثاني أكبر صانع محتوى : نواب ائتلاف التوب رجلة.

ج- السيدة عبير عندها العبارة متاعها إلي ال-communauté متاعها تعرفهم. كيما في مسلسل الخياطة عندك المدام تقول 80 و KomKom ، السيدة عبير زادا عندها #المعجم_اللغوي متاعها : شفتو يا توانسا شفتو ، أهوكا الخوانجية ، شفتوه أهوكا،…..”

معناها اذا اليوتيوبر هو يمثل le-paradigme des situations ، معناها يقدم #أنماط #تفكير لوضعيات معينة “لصحاب….les réunions في تونس….التصوحيب….الدخان” ، السيدة عبير تمثل le-paradigme متع الحياة #السياسية : من رئيسة كتلة إلى أكبر قوة معارضة إلى نهار آخر في الحكم.

و كيما في اليوتيوب ، احنا #المواطنين ما نجمو كان نعملو like أو dislike و نبرتاجيو، و كيما في ستار أكاديمي ننتظرو في موعد les eliminations بش نجمو نختار أكثر واحد و لا وحدة تعجبنا ، و نختارو ال # إلي يناسبنا.

#سلطة_الحوار

#100days_challenge_Day2_cheatday”.

ظهرت المقالة الخبير مهدي غزاي يشرح أسباب نجاح عبير موسي في استقطاب الجماهير (فيديو) أولاً على أنباء تونس.