في تدوينة نشرتها اليوم الثلاثاء على صفحتها الاجتماعية، أعلنت التلفزة الوطنية عن اعادة بث مسلسل “حرقة” (رمضان 2020) و ذلك مباشرة بعد أخبار الثامنة.

تمثيل وجيهة الجندوبي ، رياض حمدي، عائشة بن أحمد، مهذب الرميلي، مالك سعد، مريم بن حسن ، سناء الحبيب ، حكيم بو مسعودي.. و ثلة من الوجوه الجديدة و الأجنبية، إخراج الأسعد الوسلاتي وسيناريو عماد الدين حكيم.

المسلسل من انتاج التلفزة التونسية لسنة 2020 و هو تجربة متجددة لصناع مسلسل “المايسترو”، المخرج الأسعد الوسلاتي، السيناريست عماد الدين حكيم وشركة الانتاج “دي جي برو”، و قد تم تصويره في ظروف صعبة بسبب انتشار فيروس كورونا. و وفق النقاد “حرقة” هو رؤية فنية لقضايا اجتماعية، تتناول في طرحها الهجرة السرية من منطلقات مغايرة للمضامين السائدة وتسلط الضوء على معاناة المهاجرين غير الشرعيين من مفقودين في عرض البحر وناجين في مراكز الحجز بعد وصولهم للتراب الايطالي.
………………….

“ماهو من البطالة.. ماهو من القهرة.. خليتونا ناكلو في الزبلة..” كلام ديما نسمعوه كل ما يتحّل موضوع الحرقة.. موضوع كان خط أحمر و صعيب التطرّق ليه.. أما مسلسل “حرقة” كسر الحاجز و حكى على موضوع يهم برشا توانسة.. الصدمة، الفجعة، الوجيعة، برشا كلام و برشا حكايات..

برشا يحلمو بيها.. و برشا يخافو منها.. و برشا خسرو فيها أعّز ما يملكو في الدنيا.. كي تقول “حرقة” أوّل تصويرة تجي قدامك هي تصويرة الشقف و البحر.. البطالة، الظلم، الفلوس اللي تتلّم و الحرّاق.. فمّة شكون يوصل و يبدى حياة جديدة أصعب من اللي كان عايشها.. و فمّة شكون ياكلهم البحر.. و فمّة شكون يقعد عايش على أمل يجي نهار و يلقى ولدو و و أختو و راجلو و إلا مرتو اللي حرقو و ما عندو عليهم حتى خبر.. الشقف فيه برشا حكايات، و البحر فيه برشا موج و برشا حوت.. و اللي يرى شقف يرى الدنيا.. أما ما يعرفش شنوة يستنى فيه وقت يحط ساقيه في الشقف، خاطر يمكن يتحرق و ما يحرقش، وفق الصفحة الرسمية : (Harga) “حرقة”

ظهرت المقالة التلفزة الوطنية تعيد بث مسلسل “حرقة”.بداية من مساء اليوم الثلاثاء 5 أكتوبر 2021 أولاً على أنباء تونس.