الرئيسية » سمير ديلو للشاعر لزهر الضاوي : قول ما تخبيش علينا، هذا كلو تعمل فيه لشكون زعمة، تهز فيه… و اشنوة نوع الفارينة

سمير ديلو للشاعر لزهر الضاوي : قول ما تخبيش علينا، هذا كلو تعمل فيه لشكون زعمة، تهز فيه… و اشنوة نوع الفارينة

السن بالسن و الرد بالرد و الشعر بالشعر و يواصل النهضاوي سمير ديلو اليوم الأحد في ردوده على الشاعر المناضل و الملتزم لزهر الضاوي كما أن هذا الأخير لم يلتزم الصمت الى حد يوم أمس السبت و عايره كما شاء له و طاب. و في ما يلي ما جادت على سمير ديلو قريحته و نشرها للعموم على صفحات التواصل الاجتماعي:

“ما أنا .. بشاعر ..!
ولكن ..يا خويا لزهر ، لن يُعييني الرّدّ عليك بدل المرّة ألفا .. ولا آخذ على محمل الجدّ وصفك لردّي عليك ب ” الهراء ” فذاك دليل ارتباك اعتراك فالتبس عليك الأمر وأوردك الإستخفاف .. موارد الإسفاف ..!
ولو كان حكمك على النّاس كتهافت حكمك على قولهم .. لعُدّ هجاؤك .. مجاملة ..!
ليلة ~ سعيدة ..

هااااا لزهر ..! وجعتِكْ ..!؟

ظهرت عليك .. الوجيعة ..
ظااااهرلي العملة شنيعة..
ولّيت تتمَسخر على كلامي ..!؟
وطيّحت القدر .. قدّامي ..!؟
تعرف !؟.. دَمغِتني الشّكشوكة ..
ومادام الجبهة .. مدموغة ..
لزّيتني .. نبدّل اللّوغة .. :
أُنفُخ احناكك .. دربوكة ..
وخلّي الجاي .. ولّي رايح ..
يتفرّج في كلامي .. طرايح ..
ياقِفلك .. في حلقك شوكة ..

مادام ” الشّارج ” عندك طايح ،
وحسّاس من برشة ” روايح ” ..!
كلامي باش يعملّك .. دوش
ويزيد يفركلك .. ما تحسّوش
تولّي تجري .. عايف روحك
والشّارع عليك .. يِتضوحك ..
تصيح و تعيّط ” ها حنّاني “
بالحرام ولّيت ” اخواني “..

لزهر خويا .. إيجا لهُوني ..
و علاش .. ” الكلام الدّوني “..!؟
وْصُفت كلامي .. ب ” الهراء ” ..!؟
واضح كيف غصرك الظّرف ..
مشيت بدّلت فيها .. حرف
وعملت عملة .. في العراء ..!

وتوّة بعد .. ” الإستراحة ” ..!
أعطينا شويّة .. صراحة ..
قول .. وما تخبّيش علينا ..
هذا كلّو .. تعمل فيه ..
لشكون زعمة ” تهزّ فيه ” ..!؟
واشنوّة .. نوع الفارينة ..!؟

في بالي الشّاعر .. فنّان ..
يعدّل يوزن .. الدّوزان ..
موش متخصّص في البهتان ..
ويتبّع .. ريحة ” الإخوان “
ويهدّد .. حاسب روحو .. واعر
ويعطي دروس .. في المشاعر

ظاهرلي .. ” أقوم المسالك ” ..
نرجع خويا .. لدوسيّاتي ..
ونِتلهى .. بصغيّراتي ..
ونخلّي الشّعر .. لأمثالِك ..

تونس في 09 / 01 / 2022

Leave a Reply

Your email address will not be published.