الرئيسية » بعد الافراج عن عديد الاسلاميين، لزهر الضاوي يكتب : “مبروك علينا، سيبنا الارهابيين و رضينا الله و الضمير”

بعد الافراج عن عديد الاسلاميين، لزهر الضاوي يكتب : “مبروك علينا، سيبنا الارهابيين و رضينا الله و الضمير”

تحت عنوان “مبروك علينا”، كتب لزهر الضاوي يوم الاربعاء 19 جانفي هذه القصيدة على اثر قرار القضاء الافراج عن عديد الوجوه المعروفة في الساحة السياسية:

سيّبنا الارهابيين..
ورَضّينا “الله..والضمير”!!
خرجوا لينا “منوّرين”..
ناقصهم كان “سي بشير”..؟؟
“سي بشير” ومعاه نسيبو..
“يا ربي علينا ما يغيبوا”..؟؟
وكل حبيب يلاقي حبيبو..
والملقى في “مونبليزير”..!!
و”مجلس اعلى للقضاء”..
من النهضة.. نال الرضا..!!
قالكم يزّوا بلا ضوضاء..
واللّي يريدو “الشيخ” يصير..؟!!
..لاتقول…” ارهاب” لا “تسفير”..؟
لا تقول… “رقاب” لا” تكفير”..؟
لا “البراهمي” اشكون اغتالو..؟
لا “شكري” مات لا ” شَكير”..؟؟
” هاذي دولة فكّيناها..
في عشرة سنين فكّّكناها..
واقوى فكرة استنتجناها..
” دولة..لازمها التدمير”…؟؟!!

سيّبنا الارهابيين..
ورضّينا “الله والضمير”..!!

Leave a Reply

Your email address will not be published.