الرئيسية » كأس إفريقيا: لزهر الضاوي متقمصا دور الكبير: “موريطانيا نعشقها موت هي بلادي الثانية، جيبووووولي موريطانيا”

كأس إفريقيا: لزهر الضاوي متقمصا دور الكبير: “موريطانيا نعشقها موت هي بلادي الثانية، جيبووووولي موريطانيا”

” موريطانيا..موريطانيا..”-؟؟!!

لا نحبو “بريطانيا”..
لا نحبو “المانيا”..
لا “غمبيا”..لا “زمبيا”..
إِنحبو…….موريطانيا..!!!

موريطانيا.. موريطانيا..
هشوشة.. كِي “القطانيا”..!!
موريطانيا.. موريطانيا..
بنينة كي “اللّازانيا”..!!
موريطانيا.. موريطانيا..
هيّ “الهنشير” و”السانية”..!!

موريطانيا.. “بلادالحوت”..
” تمركي” عليها.. قبَل ما “تشوط”؟!!
” خبيزتنا “.. في “لعب الفوت”..
في ها “الدنيا الفانية”..!!!

موريطانيا.. ” دُرّ وياقوت ” ..!!
موريطانيا.. احلى من التوت..!!
موريطانيا ..” نعشقها موت “..!!
هيّ “بلادي الثانية”..!!!

لوكان يعطوني “كْنوز العالم”..
مانبدّلها.. و”ربي عالم”..
معاها نفوز ب”كاس العالم”..
تصبح تونس هانية..!!!

لكن.. هاذي احكام الكورة ..
“حبيّبْتي”.. خرجت مكسورة..
نلقى” النيجيري” في الدورة..
وما لقيتش “موريطانيا”..؟؟!!
موريطانيا..موريطانيا..
جيبووووولي “موريطانيا”……؟؟؟؟؟؟؟؟؟؟

( م. الكبيّر “دوالا/ الكامرون”2022/01/21)

Leave a Reply

Your email address will not be published.