انتصار فريق تونس لكرة القدم علي الفريق النبجبري مساء أمس الأحد 23 جانفي 2022 في كأس أفريقيا للأمم بالكامرون (1-0) فيما كان كل المحللين و المختصين في كرة القدم يقدمون تونس قربانا للغول النيجيري الذي لا يهزم … هذا الانتصار أوحى للشاعر الشعبي لزهر الضاوي هذا القصيد الساخر.
شعر لزهر الضاوي
نيجيريا… نيجيريا…
“حنّانة” ماني خوكم”…. بجاه “الفقر والميزيريا”…
خلّونا نربحوكم..؟؟خلونا نربحوكم…
حتى “واحد /بلاش”…
وفوق روسنا نحطّوكم…
مزيّة ماننسوهاش…
ياسر رانا نحبوكم…
ما تلْعبونّاش بِ”احداش”…
ووقت الْ نجرو نفوتوكم…
انتم امشوا “دادّاش”…
و”شوطتنا” كي نهاجْموكم…
بربي ما تشدّوهاش…
بجاه الله يرحم بوكم…
عنا سنين ما فرحناش…
قدّاش رانا نعزّوكم…
من المرسى لبني خداش..,
زورونا ونزوروكم..,
عِشْرتنا ما توفاش..,
وكيف تجونا نودّوكم…
ب”دقلة توزر ودقاش”…
نيجيريا… نيجيريا….
تخزرلي هكّة… لواش؟
شارك رأيك