علقت اليوم الفنانة و الممثلة المسرحية ليلى طوبال على الرسالة التي وجهها محامي المتهم في قضية لطفي نقض سيف الدين مخلوف لرئيس الحكومة يوسف الشاهد.
حيث نشرت ليلى طوبال التالي على صفحتها الرسمية “الفايسبوك” تدوينة هذا نصها :
” تضم فمك … خيرلك … وتتلهى بحوايجك”
هالجملة العظيمة والمعبّرة قالها محامي قتلة لطفي نقض لرئيس الحكومة… على خاطر يوسف الشاهد قال لطفي النقض شهيد تونس… عاد ما نعرفش استعمال “خيرلك” بما معناه أحسن لك وإلاّ بمعنى تسكت وإلاّ توّه تشوف…
وعلينا وعلينا وعلى سعدنا وعلى أيامنا … يلزمنا من هنا فهبطا (عكس فصعدا) ما عادش نقولوا علّي قتلهم الإرهاب شهداء.. ونتلهاو بحوايجنا ـ إلّي لابسينهم وإلّي عالشريطة وإلّي في الكاردروب… ونظموّا أفّامنا وكان لزم نخيّطوهم كيما خيّطوا جرحى الثورة أفامهم في عهد النهضة المجيد…
وانا هاني على ما خفت باش نبدّل القلم… ما فمّاش شهداء… آك الليستة إلّي فيها عشرات من أبناء الوطن توّه نرجعولها وندبّروا موتة مزيانة وعاقلة لكل واحد… ما تتغشّوش علينا برك.
و يشار إلى أن سيف الدين بن مخلوف محامي المتهم الرئيسي في قضية مقتل لطفي نقض نشر تدوينة على صفحته الرسمية على الفايسبوك توجه فيها برسالة شديدة اللهجة الى رئيس الحكومة يوسف الشاهد.
وقال مخلوف في تدوينته أن رئيس الحكومة قد تدخل في أحكام القضاء بموقفه من قضية مقتل لطفي نقض.
و.ق.
شارك رأيك