علقت اليوم الفنانة المسرحية ليلى طوبال على عملية اختطاف شقيق الشهيد مبروك السلطاني .
و في هذا السياق نشرت ليلى طوبال تدوينة على صفحتها الرسمية الفايسبوك جاءت كالتالي : “ملّي طلع البدر علينا نهار 30 جانفي 2011 المشوم الڨـرّوم على روسهم… صارت حاجة مخطرة قلبت ماهية البلاد… اليوم وأحنا نستنّاو يدينا على قلوبنا في خبر على خليفة السلطاني إلّي استدعاوه لشقاّن الفطر الجماعة إلّي يلعبوا في السبور في الجبل …
ماو هواء الجبل يحلّ الشاهية… للقتل… قاعدين نعيشو في حالة من الإشمئزاز علّي صاير في حكاية الصايمين والفطّارة والإيقافات… والفاحشة… وووو… للتذكير… ماو كي جانا الفتح ودخلت تونس في الإسلام في 2011 فمّة إلّي أسلم وفمّة إلّي قعد كافر… والكفّار التوانسة ما أمسطهم وقدّاش قلال حياء وما يحترموش شعور الصايمين ويموتوا عالبونتو كي واحد يمسّ شعرة من حريّتهم… توّه علاش ناوين… ”
“تشرب وإلاّ تتكيّف قدّام واحد صايم تحبّوه يعمل كريز ويطيح يتصكك باليدّ والسّاق ويبدى يصيح يا ربّي راو ما احترمش مشاعري… راهو اعتدى على ديني وعلى صيامي راني عطشان وجيعان ومحشّش على قهوة وڨـارو وهو يستفّز فيا… وبزهرو يروّح يلقى مرتو نسات ما شراتش الملسوقة الدياري وما عملتش البريك ويقلب الطاولة بلّي عليها … في انتظار غزوة باش ادّخل الكفّار بالسيف لدين الإسلام… احترموا مشاعر الصايمين… راهي قلوبهم معبيّة بالإيمان آما ضعيفة قدّام شربة ماء والدخّان”.
شارك رأيك