علّق الامين العام لحركة مشروع تونس محسن مرزوق على الاحتجاجات التي اندلعت في ايران ان القوى الخارجية المعادية لايران لن تتركهم وستعمل على تأجيج هذه الاحتجاجات.
و اضاف مرزوق ان احتجاجات الايرانيين شرعية و ان النظام الايراني بقي قمعيا و لم يتطور
.وجاء ايضا في تدوينته على صفحته بالفيس بوك ما يلي:
“الي صاير في ايران باش تكون ليه عواقب كبيرة على النظام السياسي الإيراني الي ما تطورش وقعد جامد وقامع للحرية واقتصاد ايران قعد قائم على ريع البترول موش منتج وقوي بما فيه الكفاية
وكيف تبدا عندك ها الصعوبات صعيب برشة تلعب دور إقليمي كبير ويصير ساهل للاعداء في الخارج يلقاو نقاط ضعف يستغلوها
احتجاجات ايران شرعية وداخلية
ومحاولة استغلالها من طرف أعداء ايران زادة موجودة
والحل الوحيد هو أنو القوى الوطنية الإيرانية في الحكم وخارجه تعمل برنامج إصلاح حقيقي سياسي بالفصل بين الدين والسياسة وتغيير نظام ولاية الفقيه ومنح الحرية للشباب وتحرير المبادرة الاقتصادية الخاصة مع الحفاظ على ثوابت المصالح القومية الإيرانية الإقليمية دون عدوانية وتدخل في شؤون الغير
والا ستختلط خطى المحتجين الشرعيين بدون قصد ولا نية بخطى رجال الاستخبارات الأجنبية ووقتها تحصل الكارثة الوطنية
واذا قدرالنظام الإيراني يخرج من هذه الأزمة باش يكون بعدها أضعف اكثر وستداهمه أزمة أخرى إذا ما صارش الإصلاح الجذري الداخلي
ما همش باش يسيبوهم”
شارك رأيك