بمناسبة مرور 5 سنوات على اغتيال شهيد الوطن شكري بلعيد , نشرت المسرحية ليلى طوبال صباح اليوم الثلاثاء 6 فيفري الجاري مقطع من عرض ” سلوان ” على صفحتها الرسمية بالفايسبوك .
و جاءت تدوينتها كالتالي :
“صباح المجد والوفاء لروحك يا شكري
“6 فيفري 2013
خبّى وجهو بيدو وجرات بيه Ambulance
جرات الموت وخلطت قبلو…الكيّاس مسدّف بالكراهب … والعباد والصياح والبهتة والغلبة…الدموع نهارتها عندهم لون ومطعم وريحة… القلوب تشوشطت والنار شعلت في الجواجي
حيّ… إلّي كي يتكلّم يزلزل الأرض تحت ساقين الخونة والبيّوعة والساقطين…
حي…إلّي ضحكتو تشفي العليل
حي…مولى بوسة الخال … وردة مفتّحة عالخدّين
حيّ إلّي يخطب في رقود الجبانة ويفركس على مظلوم يدافع عليه بين المسبولين
اسمو منقوش على رخامة وفي قلوبنا… تصويرتو مالية عينينا… كان معانا ولّى فينا
والزنوس إلّي قتلوه … إيلهم حفرة جماعية… مغروسة فيها بلاكة مكتوب عليها
هنا يرقد إلى يوم الدين القتلة والمنافقون”
و يشار الى ان شهيد الوطن شكري بِلعيد (26 نوفمبر 1964 – 6 فيفري 2013)، سياسي ومحامي تونسي وهو عضو سابق في الهيئة العليا لتحقيق أهداف الثورة والإصلاح السياسي والانتقال الديمقراطي و الأمين العام لحزب الوطنيين الديمقراطيين الموحّد. وأحد مؤسسي تيار الجبهة الشعبية وعضو مجلس الأمناء فيها.
كان من أشدّ المنتقدين لآداء الحكومة الإئتلافية في تونس , أغتيل أمام منزله من قبل مجهولين، الأمر الذي ادى الى القيام بمظاهرات عارمة .
شارك رأيك