علق الباحث في علم الاجتماع عادل اللطيفي مساء اليوم الخميس 6 ديسمبر 2018 عن مسألة التعويضات في بعض الأسطر على صفحته الخاصة بالفيسبوك فيما يلي نص التدوينة:
المفروض أخلاقيا ما يتمش التعويض المالي لأي مناضل حزبي مهما كان. النضال خيار فردي والناس لكل تعرف مخاطرو…..حتى ولو كان يدافع على الحرية والديمقراطية، فما بالك بللي كان يدافع على ديكتارية دينية….التعويض المالي الوحيد الممكن هو للمواطن العادي اللي ماعندو حد يحميه ويدافع عليه ومشا في العفس…بالنسبة للآخرين يكفي رد الاعتبار وهذا صار وتجسد في الثورة وفي الحرية…. والمشكل موش أني ناس رافضة للتعويضات ولا في مبدأ العدالة الانتقالية…المشكل أنو من ناحية اللي مقدم نفسو ضحية صار بعد ذلك هو الجلاد، ومن ناحية ثانية عمل عدالة على قياسو وحط عليها كارثة وطنية لتسييرها…ثم بعد تسيير كارثي للدولة منذ 2011 برك الاقتصاد وحط المالية العمومية في مأزق، يجي يقلك لازم الدولة تعوض…عادي جدا في ظل صحة الرقعة هاذي الناس ترفض كل تعويض…..مَسْكَنَة النضال وتسييس الحقيقة هوما اللي تسببوا في بؤس تجربة العدالة الانتقالية. وسيحفظ التاريخ أن النهضة دمرت العدالة الانتقالية بواسطة بن سدرين….
(عادل اللطيفي)
شارك رأيك