على اثر إنتشار خبر اصابته بالكورونا، شكر روني الطرابلسي، وزير السياحة و الصناعات التقليدية السابق (المتواجد حاليا بمصحة في باريس) في تدوينة نشرها على صفحته الرسمية بالفايسبوك كل من تحير على صحته و حاول الاتصال بعائلته للاطمئنان عليه.
و دعا التونسيين بالامتثال الى نصائح وزارة الصحة و تطبيق الحجر الصحي للتوقي من هذا الفيروس كما ترحم على المتوفين و تمنى الشفاء لكل المصابين.
“في البداية، نحب نشكر الناس الكل الي تحيروا عليا وحاولوا يتصلوا بيّا وإلا بأفراد عايلتي باش يطمنوا عليا… نحب نقلكم الي أنا والحمد لله بخير وقاعد نتلقى في العلاج بصفة طبيعية وقاعد نتماثل للشفاء…أنا عندي 3 أيام ملي مشيت للمصحة في باريس .
نحبكم تعرفوا الي حتى واحد ماهو في مأمن من فيروس”Covid-19″ هذاكا علاش نحبكم تمتثلوا لنصائح وزارة الصحة في عملية التوقي وخاصة تطبيق الحجر الصحي الشامل لأنو في الوقت الحالي هذا المأمن الوحيد والدواء الوحيد.
ردوا بالكم على أرواحكم وعلى عائلاتكم وعلى أحبابكم…ربي يشفي كل شخص مصاب بهذا الفيروس وربي يرحم الي توفاو ويصبر عائلاتهم… ربي يحمي تونس العزيزة ويبعد علينا هذا البلاء… وتونس إن شاء الله غدوة خير… روني الطرابلسي”.
شارك رأيك