الممثلة القديرة ليلى طوبال هي كذلك مثل العديد من المهنيين في القطاع و مثل اغلبية الشارع التونسي ترفض قرار وزيرة الثقافة شيراز العتيري الذي يقضي بالسماح و بالتراخيص لمواصلة تصوير المسلسلات الرمضانية في قناتين تلفزيتين، منبهة الى، ان علاوة على مخاطر العدوى لفيروس الكورونا، فستتفشى الظاهرة الى قطاعات اخرى و تونس في حربها مع الوباء.
و نشرت في هذا الشان ليلى طوبال مساء اليوم الخميس 9 افريل تدوينة على صفحتها الرسمية بالفايسبوك تقول فيها بلغة السهل الممتنع رأيها بكل حرية:
“موش باش يصير شي كان نعديو رمضان من غير مسلسلات …هذا الكلام كتبتوا نهار الاحد الي فات… كل حاجة فيها risque على صحٌة العباد حتى كي تكون واحد % انا ضدٌها… والي باش يخرج موش باش يشدٌو مسلسل… وحتى القهوة اكبر تفرهيدة في رمضان والي باش يرخص لمسلسل غدوة يرخص لقهوة… وكان التوانسة يقلقوا من غير مسلسلات يتفكروا في شقان الفطر الي هوما ملمومين… وحيبن وصحتهم لاباس والي بااااااارشه ما عندهمش هالنعمة…
وكانك على الخدمة والخبزة مرة واك الكلام الي ياما هزنا لحال الرداءة والهم الي احنا فيه… ماذابيا برشه عباد تحشم قبل ما تتكلم على خاطر مئات الفنانين الي ما عندهمش شهاري والي عايشين من فنٌهم … حياتهم وقفت وكان موش الكرامة توه واحد يعدد اش صاير في برشه ولذا كيما سبق وقلت خلٌوينا في عركة الكورونا
فكرة مواطنة”
شارك رأيك