أمام ارتفاع الأرقام في عدد الإصابات و الوفايات بوباء الكورونا المسجلة في نوفمبر الماضي و شهر ديسمبر الجاري، و تفاديا للعدوى و لتقليص تطوراتها، قدم الدكتور سهيل العلويني مستشار المنظمة العالمية للصحة بتونس صباح اليوم السبت 26 ديسمبر 2020 عبر تدوينة نشرها باللغة الدارجة على صفحات التواصل الإجتماعي، النصائح التالية موصيا بأن “الوقاية خير من العلاج”:
“ربي يهدي و يعدي هاالشتاء على خير و الحاجة الوحيدة الي في يدينا و ممكن نسيطر عليها بادارتنا باش ما نمرضوش هي نردو بالنا على رواحنا و على اهلنا.. و ساهلة برشا :
نبعدو على الاماكن المغلقة و فيها برشا ناس.
الامثلة السيئة لعدم الالتزام بالاجراءات ما نتبعوهاش لانو كل واحد مسؤول على روحو و العزاز عليه و نبهو الاشخاص الغير ملتزمة بها لانه يضرو في رواحهم و يضرو فينا.
نلبسو الكمامة .
و نبعدو على بعضنا و ما نكثروش من اللمات الي فيها اعداد تفوت الستة اشخاص في الدار .
الماء و الصابون لغسل الايدين و الجال اذا ما عندناش.
التسليم باليد التعنيق و البوس لا و الف لا .
وندخلو في العزل الذاتي اذا حسينا بالاعراض او قعدنا مع من كان يحمل العدوى و نحللو .
كيما كنّا متوقعينو و مع تغير الطقس نسق العدوى بدا في الارتفاع بطريقة مخيفة.
كلنا صبرنا و تعبنا عام و صدقوني الفرج قريب ما نرخوش في الامتار الاخيرة والساتر ربي”.
شارك رأيك