في هذا القصيد يتغنى الشاعر الشعبي لزهر الضاوي و لكن بنبرة ساخرة ب”المسيرة” التي ينوي القيام بها قادة و أنصار حزب النهضة الإسلامي اليوم السبت 27 فيفري 2021 في تونس العاصمة و ذلك لدعم الحكومى الفاشلة لهشام المشيشي التي يدعمونها مثلما دعموا كل الحكومات الفاشلة السابقة التي أوصلت الشعب التونسي إلى الإفلاس الحالي.
شعر لزهر الضاوي
“كي يضيق بيك الدهر” يا “يمينة”…
وتتوحشي “المسيو” وانتي حْزينة..
ناديه عُقْب الشّهْر ع”المَسيرة “…
يتفكّرك أكيد… يجيك ويجينا…
ونرفعو “راياتنا الثورية”…
ونَحْمو “شرعيتنا الدستورية”…
وتصير… “حَرَكية تجارية”…
و”يتحرك الدولاب” في “المْدينة”…
ونادي البقية يجوك بالالاف…
والكلهم كيف كيف… لا اختلاف…
ماعاد عنا شيء عليه نخاف…
“نتعايشو” مع الهم و”الكورينا”…
ناديهم بالالاف … خلي يجونا …
والله في عشرة سنين… “مَتّعتونا”…
في كل شيء تقريب بَيّعتونا…
لا “بُرْط ” يخدم… لا مَطار.. لا “وزينة”…
ناديهم خلي يعاودوا “التكبير”…
ويُرْجْموا “يوسف” في قاع البير…
نستاهلو والله… “بئس المصير”…
“من يوم جيتوا نهار… وعثتوا فينا …
“كي ضيق بيك الدهر”…
قفصة 26 فيفري 2021.
شارك رأيك