بالتوازي مع الحركة التضامنية التي عبر عنها الصفيون مع زميلهم المعروف بسيرته الطيبة لدى الجميع و ذلك على خلفية ايحاء بشبهة اخلاقية من طرف عبير موسي في تسجيل فيديو لها يوم امس الاربعاء 17 مارس الجاري، جرت الاحزاب مهرولة لتستفيد من الحدث. و هنا دعا سرحان الشيخاوي المعني بالامر اليوم الخميس عبر شمس اف ام السياسيين بفض مشاكلهم بعيدا عن قطاع الصحافة.
و أضاف لنفس الإذاعة ان عبير موسي امراة قانون و كان عليها ان تكون من أشد المدافعين على المرأة، يقصد عاملة النظافة بالبرلمان.و في توضيح راقي له كما عهدناه، نشر الزميل الذي نعرب له تضامننا المطلق لقضيته و الذي ابدى نيته للتوجه للقضاء، تدوينة فايسبوكية جاء فيها ما يلي: “
“شرف الناس ولا لعبة يجيك لبلا يا غافل..كنت قاعد في بيفات المجلس ..انا و الزميلة Houda Zaghdoudi والزميل Zied Hosni ..نتحدثو خرجت هدى وبعد شوي التحق بيها زياد ..وانا قتلو هاني خالط وراك مزالي شوي في المقال ونكمل ..كمّلت المقال..جيت خارج نلقاهم سكرو الباب الفوقاني متاع البيفات .. رجعت للولاد الي يخدمو في البيفات صابر ووسيم وزوز اخرين ..قلتلهم راهو الباب مسكر.. جاني صابر قلي ايجا نخرجك من باب اخر يقعد محلول ..باب مخصص للمنظفين وبعض العملة ..وصلني هو على خاطر ثمة برشة دخلات وخرجات منعرفهمش ..وصلت للباب قتلو يرحم والديك ارجع على روحك .. حليت الباب وجيت خارج نلقى عبير موسي قدامي تصور ..تعديت على روحي عادي ومشيت نخدم … كملت الخدمة حليت الفيسبوك نلقى عشرات الميساجات من الزملاء باعثينلي فيديو مصورتو عبير ..فيه انا متعدي وورايا منظفة في المجلس تخدم على روحها…وعبير تقول “شيعمل هذا هنا”… وليت كايني انا كنت مع المنظفة.. وللاسف العقل البشري التونسي ينجم يقتنع الي انا والمنظفة كنا وحدنا ،في مساحة فيها نواب وعملة وامن رئاسي ومنظفين ومنظفات و..و..و… في انتظار توضيح من عبير ، اتصلت بيها اكثر من مرة ومتهزش ..قبل الانطلاق في تتبع قضائي لكل الصفحات والناس الي خدمت على تصفية حساباتها السياسية على كتافنا ،وقبل الاتصال بالنقابة واتخاذ ما يلزم .
خوكم من الضحايا العرضيين للايف النواب ..الرجاء خوض معارككم بعيدا عنا”.
شارك رأيك