في تدوينة نشرتها اليوم السبت 20 مارس 2021 على صفحات التواصل الاجتماعي، توجهت سلسبيل القليبي استاذة القانون الدستوري من خلالها الى نواب الشعب لتطلب منهم الالتفاف مع بعضهم لهدف واحد، وهو تنحية راشد الغنوشي من رئاسة البرلمان، و حتى الذين عليهم ملفات و مؤاخذات قضائية، فعرفانا لهم، سيقع التسامح معهم. في ما يلي محتوى الرسالة:
“با قوم ! الركُب تحكّ عندها قدّاه وانتوما لتوة ما عرفتو شكون البو وشكون الخو وشكون العدوّ؟ الغنوشي وزمرتو بعدما برّكو البلاد وفرّكو الدولة ما زالو موش مسلّمين وباقي مسمّمين الحياة السياسية هذا الكلّ والبرلمان لتوّة ما تلمّو فيه 109 ينحّيوه؟
قلتها ونعاودها البلاد بأمراضها المستفحلة وبمشاكلها الكل تنجّم تاخذ نفس جديد إذا غادر الغنوشي رئاسة المجلس شوفو نسبة العنف والكراهية إلّي تسيبت في مواقع “التحارب” الاجتماعي هالنهارين على خلفية ضرب نواب من النهضة لنواب من الدستوري درنا على بعضنا وهانا من وقتها ناكلو في لحم بعضنا شكون مع وشكون ضدّ عبير والغنوشي ما زال مْبَمْبَر على راس المجلس والناس الكل نسات قضية إقالتو إلّي أصبحت مسألة حيوية راهو المشروعية والمصداقية متاعكم تحت الصفر تلمّو ونحّيولو الرئاسة يِرْجعِلْكم شوية اعتبار وحتى وكان مهدّدكم بملفات الناس تنجّم ترالكم بيه وتتسامح معاكم !
خبز وما (سي ديجا)والغنوشي لا !”.
شارك رأيك