في ما يلي تحليل قام به مهدي الغزاي الخبير في الاتصال السياسي حول ما جاء مساء أمس الاثنين 19 افريل في لايف النائب الخياري اتهم من خلاله رئيس الجمهورية بتلقيه أموالا من الخارج لتمويل حملته الإنتخابية في 2019، مكتوب بالدارجة التونسية:
“السياق إلي جاء فيه اللايف هذا ، هو انو يوم الأحد الرئيس قيس سعيد وجه تهديدات مباشرة و قام بخرق الدستور في تأويلو.
العبث يجيب العبث. و فعلاً جاءت الإجابة نهار مبعد ، جانا سي الخياري قالك ، بش نلخص : الرئيس قيس سعيد تفاهم مع ترامب ، خذا فلوس الويسترن يونيون و سكر تليفونو و مشى يسهر بيهم مع مكرون.
المبدأ التالث لي SUN TZU في كتابو “فن الحروب” : فن الحرب يدور حول الفوز بدون قتال. جوهر الحرب هو #التلاعب.
و فما طريقة ناجعة للتلاعب و هي عن طريق إستعمال ما يسمى بال”#الوكيل_المفقود” . الوكيل المفقود يكون براشوك نعطيوه معلومات غالطة بش يشوه و يبعث البلبلة في الخصم. و هو يبدا مافيبالوش بالمخطط الإستراتيجي الأشمل. نستغلوه و مبعد نلوحوه.
فهمت يا سي Rached Khiari راشد الخياري ؟
المشكلة هوني أنو حتى المعلومات إلي عاطينهالو لا ترتقي إلى أدلة : و هذا إلي يفرق بين براشوك باهي و واحد تاكسيفون.
1- ثلاثة مقاطع الفيديو إلي وعدنا بيهم : ما سمعنا كان مقطع . ما يدل على شي. يمكن حواري أنا مع جدتي يكون أكثر إثارة. كيما اللايف متع عبير شفتو يا توانسة ؟
2- التصاور إلي يوري فيهم هاو قهوة النصر هاو فوتو دو بروفيل فلان هاو ورقة ، تعداد تصاور إلي ما عندهم حتى علاقة ببعضهم ، وتجي تجمعهم مبعضهم في نفس الجملة و تعمل إستنتاج.
هذي سفسطة تساهم في خلق نوع من #الخداع_البصري إلي يولد نظرة غالطة للمشهد: إستراتيجية تلقاوها في كتاب #شوبنهاور. و هكاكة تصير مصادرة على المطلوب ، الإتهامات تولي حقيقة و نينيو البقية إنطلاقاً من الإتهامات هذيكة.
3- الإذاعات أغلقو الهاتف لكل خايفين من فرنسا هههه. لحقيقة هذي منغير منعلق عليها و نخلي المنطق و شهادات رؤساء التحرير يتكلمو.
هل أنا شخصياً نساند في قيس سعيد ؟
اعتبر انو قيس سعيد خطير على الحياة السياسية و معطل و الأداء متاعو ينجم يهز لبلاد إلى نقطة لا عودة.
هل صار خرق للانتخابات في تونس ؟
علاش نتسناو في سي راشد لخياري ، أهوكة عنا تقرير دائرة المحاسبات. عمل جدي من مؤساسات وطنية. نستناو في الخياري يكمل موكالمتو مع ترامب ؟ هههه
و صحيح صارو تحركات مشبوهة في مواقع التواصل الإجتماعي في مساندة قيس سعيد و برشا دراسات قاعدة تتعمل على الحكاية هذي. أما موش بالسهولة هذي و الوستر نيونيون و كفانا إستبلاه.
هل الدولة مستباحة ؟
نعم. من المؤكد أنو الدولة مستباحة و مخترقة….بالبهامة.
سلطة_الحوار
أزمة_قيادة
الشكارةوالبحر_لكل”.
شارك رأيك