سيدي ثابت: فرجانية هذه العاملة البسيطة تعطي “تحويشة لعمر” لبرنامج “القفة” على حنبعل لمساعدة “الزواولة” (فيديو)

المفاجأة كانت مساء أمس الثلاثاء 20 أفريل 2021 في البرنامج الرمضاني “القفة” على قناة حنبعل عندما تفاجأ المشاهدون بلقطة غير عادية… مشهد غير مألوف لأن نجمة البرنامج هي امراة ليست فعلا بميسورة الحال.

فرجانية عمرها تقريبا 60 سنة تقطن بالريف على بعد 2 كم من سيدي ثابت بولاية أريانة، هي فقط عاملة بسيطة بمكتب فلاحي، تقدمت مسرعة، تلهث،.. لفريق التسجيل ببرنامج “القفة” الذي تشرف عليه هالة الذوادي و سلمته مبلغا ب 7300 دينار وهي لا علم لها حتى بهذا المبلغ ان كان 3 أو 4 ملايين ،

ورقة، ورقة من كل الفئات و قالت “الفلوس هاذم نعطيهم للله، انا نخدم شوية منا و شويا منا و مترسمة في مكتب لفلاحة، و الحمد للله، امي و بابا ميتين، نجبد شهريتي و نصرف شوية على زوز خواني بطالة و الباقي انخبيه، انحب نعطيهم الربي، للزواولة، انرى فيكم في التلفزة، باش نمشي انحج هوكة حجيت، توا عطيتهملكم، كايني حجيت، هاذم من قلبي، مصرورين، انلم فيهم عندي 30 سنة، ناوية نعطيوهم توة ال3 و الا 4 سنين التالي، انلوج على نفس مومنة باش نعطيهملو.

انرى فيكم في التلفزة و انتوما ما تجيوش لسيدي ثابت….لميتهم ورقة ورقة للحج لكن ريتكم تعاونوا في الناس قلت هوما اولى بالفلوس، خوذوهم عاونوا بيهم الزواولة….”، مشهد صنع الحدث، في تونس الأخرى، تونس العطاء و التونسي للتونسي رحمة…